Табиғат — заңсыз табыс көзі емес: Жетісу облысында 49 құқық бұзушылық анықталды

Жарияланды:

21/08/2026 20:13

—

Автор:

2026 жылдың басынан бері Жетісу облысында табиғатты пайдалану саласындағы 49 құқық бұзушылық фактісі анықталып, жолы кесілді.

Кезекті рейдтік іс-шара Талдықорған қаласына жақын орналасқан Қаратал өзенінің жағалауында өтті. Жетісу облысы Полиция департаментінің табиғатты қорғау полициясының қызметкерлері қалалық табиғатты қорғау инспекторымен бірлесіп, табиғи ресурстардың заңсыз пайдаланылуы мүмкін аумақтарға тексеру жүргізді.

Рейд барысында заңсыз әрекетке пайдаланылған LiuGong маркалы трактор мен Shacman жүк көлігі анықталды. Аталған дерек бойынша қажетті материалдар жиналып, заңнамаға сәйкес шешім қабылдау үшін уәкілетті органдарға жолданады.

Мұндай іс-шаралардың негізгі мақсаты – құқық бұзушылықтарды анықтау ғана емес, қоршаған ортаға келтірілетін залалдың алдын алу. Табиғи ресурстарды заңсыз пайдалану экологиялық тепе-теңдікке кері әсерін тигізіп, орны толмас салдарға әкелуі мүмкін.

Жетісу облысында рейдтік іс-шаралар жалғасуда. Полиция табиғатты қорғау заңнамасын бұзу жауапкершілікке әкеп соғатынын еске салады.