Түркістан облысында полицейлер интернет-алаяқтықтың алдын алу және кәмелетке толмағандар арасындағы буллингке жол бермеу бағытында профилактикалық жұмыстарды тұрақты түрде жүргізіп келеді. Осы бағыттағы кезекті шара Шардара ауданында ұйымдастырылды.
Профилактикалық акция барысында полиция бейнесіндегі 30-дан астам ақпараттық-ескерту тақтайшасы әзірленіп, тұрғындар көп жиналатын орындарға орналастырылды. Ақпараттық материалдарда интернет-алаяқтықтың кең таралған тәсілдері, сондай-ақ жеке мәліметтерді, банк картасының деректерін және SMS арқылы келетін бір реттік кодтарды бөгде адамдарға бермеудің маңызы түсіндірілген.
Сонымен қатар оқушылар арасында буллингтің алдын алу, оның психологиялық және әлеуметтік зардаптары, сондай-ақ мұндай әрекеттерге жол бермеу жөніндегі ақпараттар қамтылды. Түсіндіру жұмыстары Шардара ауданындағы халыққа қызмет көрсету орталығы, орталық базар, білім беру ұйымдары, мешіт және сауда орталығы сияқты адам көп шоғырланатын орындарда жүргізілді.
Полиция мұндай профилактикалық шаралар тұрғындардың құқықтық және қаржылық сауаттылығын арттырып, алаяқтық пен буллингтің алдын алуға ықпал ететінін атап өтті. Алдын алу бағытындағы жұмыстар алдағы уақытта да тұрақты түрде жалғасады.
Ақпарат көзі : https://www.gov.kz/memleket/entities/mvd-turkistan/press/news/details/1279106?lang=ru
Жауап қалдыру Жауапты болдырмау