Азаматтарды жеке қабылдау барысында Департаментке азамат мүгедектікті белгілеу мәселесі бойынша жүгінді.
Қабылдау барысында азаматқа медициналық-әлеуметтік сараптамадан (МӘС) өту тәртібі, сондай-ақ мүгедектікті белгілеудің негізгі кезеңдері түсіндірілді.
Мүгедектік қалай белгіленеді?
Мүгедектікті белгілеу медициналық-әлеуметтік сараптама шеңберінде жүзеге асырылады.
Бірінші кезеңде азамат тіркелген жері бойынша медициналық ұйымға жүгінеді. Медициналық көрсетілімдер болған жағдайда медициналық ұйым қажетті диагностикалық және емдеу іс-шараларын жүргізеді, тиісті құжаттарды рәсімдейді және негіздер болған кезде азаматты МӘС-ке жібереді.
Медициналық-әлеуметтік сараптама барысында азаматтың денсаулық жағдайы, тіршілік-тынысының шектелу дәрежесі, өзіне-өзі қызмет көрсету, жүріп-тұру, еңбек қызметін жүзеге асыру қабілеті және Қазақстан Республикасының заңнамасында көзделген өзге де өлшемшарттар бағаланады.
Нақты жағдайға байланысты куәландыру бетпе-бет немесе сырттай форматта жүргізілуі мүмкін.
МӘС нәтижелері бойынша мүгедектікті белгілеу немесе белгілеуден бас тарту туралы шешім қабылданады. Мүгедектік белгіленген жағдайда қолданыстағы өлшемшарттарға сәйкес оның тобы, себебі және мерзімі айқындалады.
МӘС шешіміне шағымдануға бола ма?
Иә. МӘС шешімімен келіспеген жағдайда азамат Қазақстан Республикасының заңнамасында белгіленген тәртіппен оған шағымдануға құқылы.
Айта кету маңызды: аурудың болуы өздігінен мүгедектікті белгілеуге сөзсіз негіз болып табылмайды. МӘС жүргізу кезінде медициналық және әлеуметтік факторлардың жиынтығы, тіршілік-тынысының шектелу дәрежесі және заңнамада көзделген өзге де өлшемшарттар ескеріледі.
Департамент мамандары азаматтарды жеке қабылдау барысында мүгедектікті белгілеу, МӘС-тен өту және қабылданған шешімдерге шағымдану тәртібі бойынша түсіндіру жұмыстарын жүргізеді.
Егер сізде медициналық-әлеуметтік сараптама мәселелері бойынша сұрақтар туындаса, тиісті түсіндірме алу үшін Департаментке жүгіне аласыз.
Ақпарат көзі : https://www.gov.kz/memleket/entities/enbek-ulytau/press/news/details/1279522?lang=ru
Жауап қалдыру Жауапты болдырмау