СҰРАҚ-ЖАУАП

Балаға мүгедектік қандай жағдайда белгіленеді?

Жауап:
Негізгі негіз — организм функцияларының тұрақты бұзылуы және соның салдарынан *тіршілік әрекетінің шектелуі (ТӘШ)*.

Мүгедектікті анықтауда диагноздың өзі ғана емес, *аурудың баланың күнделікті өміріне әсері* ескеріледі.

ТӘШ:
* өзіне-өзі қызмет көрсету;
* жүріп-тұру;
* бағдарлану;
* қарым-қатынас;
* оқу;
* мінез-құлқын бақылау қабілеттерінің шектелуінен көрінуі мүмкін.

Мүгедектік қандай мерзімге белгіленеді?

Жауап:
Мүгедектік:
6 айға немесе 1 жылға, 2 жылға, 5 жылға**, ал тұрақты және қайтымсыз бұзылыстар кезінде 7 немесе 18 жасқа дейін белгіленуі мүмкін.

6 айға немесе 1 жылға қашан белгіленеді?

Организм функцияларының *қалпына келуі немесе айтарлықтай жақсаруы күтілетін* жағдайда.

Мысалы: жарақаттан, операциядан немесе аурудан кейін оңалту нәтижесінде баланың жағдайы жақсаруы мүмкін болса.

2 жылға қашан белгіленеді?

ТӘШ *тұрақты сипатта*, бірақ функцияларды қалпына келтіру немесе жақсарту мүмкіндігі әлі бар кезде.

Мысалы: тұрақты қозғалыс, сөйлеу, көру, бүйрек және басқа да функциялардың бұзылыстары.

5 жылға қашан белгіленеді?

Ұзақ, созылмалы немесе тұқым қуалайтын аурулар кезінде ТӘШ ұзақ уақыт сақталса.

Маңызды: балалар аутизмі, Аспергер синдромы және атипиялық аутизм кезінде бастапқы куәландыру барысында мүгедектік *5 жылға* белгіленеді.

Ақпарат көзі : https://www.gov.kz/memleket/entities/enbek-zhambyl/press/news/details/1279856?lang=kk