Қазақстан Республикасының заманауи дамуы заң үстемдігі, адам құқықтары мен бостандықтарын құрметтеу, мемлекеттің ашықтығы және қоғам мен биліктің сындарлы өзара іс-қимылы қағидаттарына негізделеді. «Адал азамат» тұжырымдамасы адалдыққа, жауапкершілікке және заңды құрметтеуге негізделген жоғары құқықтық мәдениетті қалыптастыруға ұмтылысты білдіреді. Мемлекеттік кепілдіктердің тиімділігі мен азаматтардың белсенді азаматтық ұстанымының үйлесуі құқықтық мемлекетті одан әрі нығайтудың берік негізін қалайды.
Қазақстан Республикасының Конституциясы адам құқықтары мен бостандықтарын ең жоғары құндылық ретінде тану мен оларға кепілдік беруді бекітеді. Мемлекет олардың қорғалуын Конституцияға, заңдарға және Қазақстан Республикасының қолданыстағы құқығының құрамдас бөлігі болып табылатын халықаралық шарттарға сәйкес қамтамасыз етеді. Сонымен қатар, бұл кепілдіктердің тиімділігі көп жағдайда басқа адамдардың құқықтарын құрметтеуге, заңнаманы сақтауға және азаматтардың құқықтық санасының деңгейіне байланысты.
Өз құқықтары мен міндеттеріне жауапкершілікпен қарау заңдылық пен қоғамдық келісімді нығайтудың маңызды шарты болып табылады. Әрбір адамның қадір-қасиетін құрметтеу, кемсітушілік пен төзбеушіліктің кез келген түрін қабылдамау, сондай-ақ заңнама талаптарын сақтау адам құқықтары мен бостандықтарының сенімді қорғалуын қамтамасыз ететін қауіпсіз әрі әділетті қоғамдық ортаны қалыптастыруға ықпал етеді.
«Адал азамат» тұжырымдамасы қоғам мен мемлекет алдындағы жауапкершілігін сезінетін, айналасындағылардың құқықтарын құрметтейтін және адалдық, әділдік пен ізгілік қағидаттарын басшылыққа алатын азаматты тәрбиелеуге бағытталған. Осы қағидаттарды ұстану мемлекет пен қоғам арасындағы сенімді нығайтуға, азаматтық жауапкершілікті дамытуға және құқықтық мемлекеттің құндылықтарын дәйекті түрде орнықтыруға ықпал етеді.
Ақпарат көзі : https://www.gov.kz/memleket/entities/ombudsman-sko-oblysy/press/news/details/1282037?lang=ru
Жауап қалдыру Жауапты болдырмау