ТЖМ ТЖ алдын алу комитеті төрағасының орынбасары Ә.Д. Жылқайдаров пен Азаматтық қорғаныс және әскери бөлімдер комитетінің аға офицері Қ.С. Темірбековтың жұмыс сапары аясында Бурабай және Зеренді аудандарының акваторияларында ТЖД және жедел-құтқару жасағының жеке құрамымен нұсқаулықтар, сондай-ақ рейдтік-профилактикалық іс-шаралар өткізілді.
Шағын көлемді кемелерді қауіпсіз пайдалану талаптарын сақтауға, құтқару құралдарының болуы мен жарамдылығына, жолаушыларды тасымалдау ережелерін сақтауға, техникалық ақаулы кемелерді пайдалануға жол бермеуге және алкогольдік мас күйінде су көлігін басқаруға ерекше назар аударылды.
Кеме иелеріне заңнаманың талаптары және жолаушылардың қауіпсіздігі үшін дербес жауапкершілік шаралары түсіндірілді. Рейдтік іс-шаралардың қорытындысы бойынша шағын көлемді кемелерді пайдалану ережелерінің бұзылуы анықталды, кінәлі тұлғаларға қатысты әкімшілік ықпал ету шаралары қабылданды.
Жүргізіліп жатқан жұмыс судағы оқиғалардың алдын алуға, кеме иелерінің жауапкершілігін арттыруға және Ақмола облысының су айдындарында азаматтардың қауіпсіздігін қамтамасыз етуге бағытталған.
Ақпарат көзі : https://www.gov.kz/memleket/entities/emer/press/news/details/1282178?lang=ru
Жауап қалдыру Жауапты болдырмау