Мойынқұмдық жас палуандар — облыс чемпионы!

Жамбыл облысында қазақ күресінен 2013–2014 жылы туған жасөспірімдер арасында облыстық чемпионат өтті. Байрақты бәсекеге өңірдің әр аудан-қаласынан келген жас палуандар қатысып, өзара мықтыны анықтады.

Ұлттық спортты дәріптеп, жасөспірімдер арасында қазақ күресін дамыту мақсатында ұйымдастырылған жарыста спортшылар 10 салмақ дәрежесі бойынша сынға түсті. Әр белдесуде палуандар өздерінің шеберлігін, физикалық дайындығын және жеңіске деген жігерін көрсетті.

Чемпионат қорытындысы бойынша Мойынқұм ауданының жас палуандары жоғары нәтиже көрсетіп, командалық есепте І орынға ие болды. Аудан құрамасы жалпы есепте 3 алтын, 1 күміс және 4 қола медаль еншіледі.

Жекелеген салмақ дәрежелері бойынша Мойынқұм ауданының спортшылары мынадай нәтижелер көрсетті:

🥇 І орын:

• Көкірекбай Нұртас — 35 келі;
• Қайратұлы Диас — 38 келі;
• Болат Нұрлыбек — 65 келіден жоғары.

🥈 ІІ орын:

• Шымшықбай Ердос — 50 келі.

🥉 ІІІ орын:

• Алтынбек Алижан — 32 келі;
• Тілеупаш Нұрасыл — 50 келі;
• Сүйірқұл Олжас — 46 келі;
• Жұмабек Нұрәлі — 65 келіден жоғары.

Аудан намысын абыроймен қорғаған жас спортшылардың бұл жетістігі — жүйелі жаттығу мен табанды еңбектің нәтижесі. Жас палуандардың әр белдесуде жеңіске деген жігер танытып, жоғары деңгейдегі дайындықтарын көрсетуі олардың спорттағы болашағынан зор үміт күттіреді.

Сонымен қатар, жас спортшыларды жарысқа дайындап, олардың шеберлігін шыңдаған бапкерлердің еңбегін де атап өткен жөн. Спорттағы әрбір жеңістің артында тынымсыз жаттығу, тәртіп, жауапкершілік пен бапкердің бағыт-бағдары жатыр.

Мойынқұмдық жас палуандардың облыстық чемпионаттағы жеңісі — аудан спорты үшін маңызды жетістіктердің бірі. Бұл нәтиже жасөспірімдер арасында ұлттық спортқа деген қызығушылықтың артып келе жатқанын көрсетеді.

Жас чемпиондар мен жүлдегерлерді, олардың ата-аналары мен бапкерлерін айтулы жеңіспен құттықтаймыз! Алдағы жарыстарда да биік белестерді бағындырып, Мойынқұм ауданының абыройын асқақтата берулеріне тілектеспіз!

Ақпарат көзі : https://www.gov.kz/memleket/entities/zhambyl-moyynkum/press/news/details/1281730?lang=ru