Жаңа оқу жылы қарсаңында Солтүстік Қазақстан облысының полицейлері балаларды тасымалдайтын мектеп автобустарын тексеруде. Таңертеңнен бастап қызметкерлер тасымалдаушылардың автобустарды рейс алдындағы техникалық тексеруден өткізуін және жүргізушілердің медициналық бақылаудан өтуін қадағалап, кейін көліктерді тікелей желіде тексереді.
Балалардың қауіпсіздігіне әсер ететін барлық талаптар назарда: құжаттар, жолаушыларды сақтандыру полисі, автобустардың техникалық жай-күйі, өрт сөндіргіштер, авариялық балғалар және басқа да міндетті қауіпсіздік құралдарының болуы мен жарамдылығы тексеріледі. Жалпы, полиция тарапынан тасымалдаушының бақылауды ұйымдастыруына қатысты ескерту болған жоқ.
Мектеп оқушыларын тасымалдауға ерекше назар аударылуы бекер емес. Жыл басынан бері Солтүстік Қазақстан облысында балалардың қатысуымен 60 жол-көлік оқиғасы тіркелді. Мұндай жағдайда тіпті болмашы бұзушылықтар мен техникалық ақауларға жол берілмейді – жол қателікті кешірмейді.
Тексеру жұмыстары жалғасуда. Полицияның міндеті – техникалық ақауы бар автобустың желіге шығуына жол бермеу және әрбір сапарда балалардың қауіпсіздігін қамтамасыз ету. Бұл жұмыс күнделікті профилактиканың және «Заң мен тәртіп» қағидатын іс жүзінде жүзеге асырудың бір бөлігі.
Ақпарат көзі : https://www.gov.kz/memleket/entities/mvd-sko/press/news/details/1282353?lang=ru
Жауап қалдыру Жауапты болдырмау