Ұлытау облысының мәдениет, тілдерді дамыту және архив ісі басқармасы Қазақстан Республикасы Ғылым және жоғары білім министрлігінің Тіл саясаты комитетімен және Ұлытау облысының әкімдігімен бірлесіп, Мемлекет басшысының Ұлттық құрылтайдың «Әділетті Қазақстан-Адал азамат» атты екінші отырысында берген тапсырмасын іске асыру жөніндегі іс-қимыл жоспарының 3.2-тармағын орындау мақсатында 2026 жылғы 28 тамызда Жезқазған қаласында өткізілген «Мемлекеттік тіл саясаты: ғылым және креативті индустрия» тақырыбындағы республикалық семинар-кеңеске Ұлытау облысының Әділет департаментінің қызметкерлері қатысты.
Іс-шара барысында тілдік ортаға негізделген тіл саясатын жүргізу, қазақ тілін ғылым тілі ретінде дамыту, қазақ тіліндегі контенттің үлесін арттыру, жасанды интеллект кеңістігінде қазақ тілінің қолданыс аясын кеңейту, сондай-ақ тіл заңнамасының сақталуын қамтамасыз ету, көрнекі ақпарат пен маңдайшаларды орналастыру талаптарын сақтау мәселелері жан-жақты талқыланып, аталған бағыттар бойынша тиімді тәжірибелер таныстырылды.
Ақпарат көзі : https://www.gov.kz/memleket/entities/adilet-ulytau/press/news/details/1282856?lang=ru
Жауап қалдыру Жауапты болдырмау