Ақмола облысында өрт қауіпсіздігі айлығы басталды

Ақмола облысында 2 мыңға жуық үйде өрт қауіпсіздігі бойынша профилактикалық жұмыстар жүргізілді

Өңірде өрт қауіпсіздігі айлығы басталды. Құтқарушылар жергілікті атқарушы органдардың, полиция қызметкерлері мен еріктілердің қатысуымен аулаларды аралап, тұрғындарға пештер мен электр құрылғыларын қауіпсіз пайдалану ережелерін еске салуда.

Өткен жылыту маусымында облыста 325 өрт тіркеліп, салдарынан 7 адам қаза тапты. Өрт оқиғаларының жартысына жуығы — 149 жағдай — пештерді пайдалану кезінде қауіпсіздік талаптарының бұзылуынан болған.

Профилактикалық жұмыстар аясында қазірдің өзінде 80-ге жуық өрт хабарлағышы орнатылып, 42-ден астам түтін мұржасы тазартылды. Көпбалалы отбасыларға, жалғызбасты қарт адамдарға және халықтың басқа да әлеуметтік осал санаттарына ерекше көңіл бөлінуде.

Ақпарат көзі : https://www.gov.kz/memleket/entities/emer-akmola/press/news/details/1282893?lang=ru