29 тамызда Бескөл ауылында жергілікті тауар өндірушілердің қатысуымен ауыл шаруашылығы жәрмеңкесі өтті. Аудан тұрғындарына азық-түліктің және мал азығының кең ассортименті ұсынылды.
Жәрмеңкенің басты артықшылықтарының бірі – жергілікті өндірушілердің өнімдерінің қолжетімді бағамен ұсынылуы. Жәрмеңкеге жалпы көлемі 4 тоннаға жуық ет – жылқы, сиыр, қой еті және құс еті жеткізілді. Сонымен қатар тұрғындар төмендетілген бағамен 80 мың дана жұмыртқа, 200 келі бал және 100 келі балық сатып ала алды. Балық өнімдерін жеке кәсіпкер Кулинич ұсынды. Жәрмеңкеде жұмыртқа өнімдерін «Алекри фирмасы» ЖШС, «Птичий двор» және «Адель Кус» кәсіпорындары өткізді.
Жәрмеңкеде өсімдік шаруашылығы өнімдері де кеңінен ұсынылды. Виноградов ауылдық округі мен «Агрофирма Виноградовка» ЖШС 1,5 тонна ұн және ұн өнімдерін жеткізді. «Сұлтан-Маркетинг» кәсіпорны 500 келі макарон өнімдерін ұсынды.
Рассвет ауылдық округінің «Росляков Н.Н.» шаруа қожалығы картопты келісіне 150 теңгеден сатты.
«Мұндай жәрмеңкелер тұрғындарға өте қолайлы. Мұнда қажетті азық-түлікті жақсы бағамен сатып алуға болады, әрі өнімді тікелей жергілікті өндірушілерден аласыз. Қазір көптеген отбасы азық-түлік қорын жинап, күз бен қысқа дайындалып жатқан кезде бұл өте өзекті», – деді Қызылжар ауылдық округінің тұрғыны.
Жәрмеңкеде тұрғындарды қысқы кезеңге дайындауға да ерекше көңіл бөлінді. Тұрғындарға ауыл шаруашылығы жануарларына арналған жемшөп төмендетілген бағамен ұсынылды. Барлығы 10 тоннаға жуық шөп, 10 тонна жем, сондай-ақ арпа, бидай және сұлы сатылымға шығарылды. Сонымен қатар үйлерді жылыту үшін шамамен 50 текше метр отын қолжетімді бағамен ұсынылды.
Ауыл шаруашылығы жәрмеңкесінің өткізілуі жергілікті тауар өндірушілерді қолдауға және ауданның ауыл шаруашылығын дамытуға ықпал етті. Сонымен қатар іс-шара тұрғындарға сапалы азық-түлік өнімдерін, мал азығын және отынды қолжетімді бағамен сатып алуға мүмкіндік берді. Бұл әсіресе күзгі-қысқы кезең қарсаңында маңызды.
Ақпарат көзі : https://www.gov.kz/memleket/entities/sko-kyzylzhar/press/news/details/1282896?lang=ru
Жауап қалдыру Жауапты болдырмау