ЭКОФАКТ | Қаладағы жасыл желектердің қандай пайдасы бар?

Қаладағы ағаштар мен бұталар – қоршаған ортаның табиғи реттеушісі ғана емес, қалалық экологиялық инфрақұрылымның маңызды бөлігі.

Жасыл желектер:

ауаның сапасын жақсартуға және шаң-тозаңның бір бөлігін ұстауға;

қаланың шамадан тыс қызуын бәсеңдетуге;

қолайлы микроклимат қалыптастыруға;

көлік және басқа да көздерден тарайтын шудың әсерін азайтуға;

құстар, жәндіктер мен басқа да тірі ағзалар үшін мекендеу ортасын қалыптастыруға ықпал етеді.

Әсіресе ыстық әрі құрғақ кезеңдерде жасыл желектердің маңызы арта түседі. Ағаштардың көлеңкесі жер бетінің қызуын азайтса, жапырақтар арқылы судың булануы қоршаған ортаның салқындауына ықпал етеді.

Сондықтан қаланы көгалдандыру – оның көркін арттыру ғана емес, тұрғындар үшін қолайлы әрі экологиялық тұрақты орта қалыптастырудың маңызды бағыты.

Жасыл желектерді сақтау және көбейту – жайлы қалалық ортаның негізі.

Ақпарат көзі : https://www.gov.kz/memleket/entities/ecogeo/press/news/details/1283583?lang=ru