Білім күні елордалық №90 мектепте «Жас сақшы» мамандандырылған сыныбы салтанатты түрде ашылды, деп хабарлайды Астана қаласы әкімдігінің ресми сайты.
Салтанатты ашылу рәсіміне қалалық полиция басшылығының өкілдері, мектеп ұжымы, ата-аналар мен оқушылар қатысты. Сыныптың негізгі мақсаты – өскелең ұрпақты ар-намыс, батылдық және заңдылық қағидаттары негізінде тәрбиелеу.
Жоба оқушыларға құқық қорғау саласындағы мамандықтың қыр-сырын және маңызын таныстырумен қатар, олардың құқықтық сауаттылығын арттыруға, көшбасшылық қасиеттері мен азаматтық жауапкершілігін дамытуға бағытталған.
Жаңа бейінді сынып оқушылары үшін білім беру және практикалық сабақтарды қамтитын арнайы бағдарлама әзірленді. Оның аясында жол қозғалысы қауіпсіздігінің негіздері, алғашқы медициналық көмек көрсету, төтенше жағдай кезіндегі іс-қимыл және құқықтық мәдениет бойынша сабақтар өткізіледі.
Сонымен қатар оқушылар ішкі істер органдарының қызметкерлерімен бірлескен танымдық және спорттық іс-шараларға тұрақты түрде қатысады.
Ақпарат көзі : https://www.gov.kz/memleket/entities/astana/press/news/details/1283602?lang=ru
Жауап қалдыру Жауапты болдырмау