2026 жылғы 31 тамызда Қостанай облыстық мәслихатының төрағасы Сайлаубек Ещановтың төрағалығымен өткен Қостанай облыстық мәслихатының кезектен тыс сессиясында “Қостанай облысының ауылдық жерлерінде және кенттерінде, аудандық және облыстық маңызы бар қалаларында, облыстық бюджет қаражаты есебінен жұмыс істеуге жіберілген медицина және фармацевтика қызметкерлеріне әлеуметтік қолдау көрсету қағидалары мен мөлшерін айқындау туралы” Қостанай облыстық мәслихатының 2020 жылғы 9 қазандағы № 543 шешіміне өзгерістер енгізу туралы мәселе қаралды.
Енгізілген өзгерістер шеңберінде Қостанай облысының ауылдық жерлеріне және жекелеген елді мекендеріне жұмысқа жіберілген медицина және фармацевтика қызметкерлері үшін біржолғы әлеуметтік қолдау мөлшері ұлғайтылды.
Қолдау мөлшері:
— 7 млн теңге – облыстың ауылдық жерлері мен кенттеріне жұмысқа жіберілген жоғары және (немесе) жоғары оқу орнынан кейінгі медициналық білімі бар медицина және фармацевтика қызметкерлері үшін;
— 8,5 млн теңге – Амангелді және Жангелді аудандарына жұмысқа жіберілген мамандар үшін;
— 5 млн теңге – аудандық және облыстық маңызы бар қалаларға жұмысқа жіберілген мамандар үшін;
– 7 млн теңге – Арқалық қаласына, Жітіқара және Қостанай аудандарына жұмысқа жіберілген мамандар үшін;
— 1 млн теңге – техникалық және кәсіптік медициналық білімі бар медицина қызметкерлері, сондай-ақ облыстың ауылдық жерлері мен кенттеріне жұмысқа жіберілген техникалық және кәсіптік фармацевтикалық білімі бар фармацевтика қызметкерлері үшін.
Қабылданған шаралар ауылдық жерлерде медициналық кадрларды тартуға және бекітуге, сондай-ақ аудан тұрғындары үшін медициналық көмектің қолжетімділігін арттыруға бағытталған.
Шешім алғашқы ресми жарияланған күнінен кейін күнтізбелік он күн өткен соң күшіне енеді.
Ақпарат көзі : https://www.gov.kz/memleket/entities/kostanai-densaulyk/press/news/details/1283348?lang=ru
Жауап қалдыру Жауапты болдырмау