СҚО ПД бастығы, полиция полковнигі Руслан Назаров облыстық және қалалық полицияның жеті қызметкеріне жаңа погондарын табыстады. Олардың қатарында жедел қызметкерлер, әкімшілік полиция, қоғамдық қауіпсіздік бөлімшелерінің инспекторлары, арнайы жедел қимыл жасағының, цифрландыру және байланыс бөлімшелерінің қызметкерлері бар. Әріптестерін құттықтаған СҚО ПД және Ұлттық ұлан ардагерлері кеңесінің төрағасы Ақан Сыздықов тәртіп пен қызметке адалдық кәсіби өсудің негізгі тірегі болып қала беретінін атап өтті.
СҚО-да ішкі істер органдарына қызметке кандидаттарды қабылдау жалғасуда. Бүгінде полиция қызметі патрульдеу мен қоғамдық тәртіпті қамтамасыз етумен ғана шектелмейді. Оның қатарында жедел жұмыс, қылмыстарды тергеу, есірткі қылмысына қарсы іс-қимыл, көші-қонды бақылау, кәмелетке толмағандармен жұмыс және басқа да бағыттар бар. Ортақ міндет – азаматтардың қауіпсіздігін қамтамасыз етіп, «Заң мен тәртіп» қағидатын нығайту. Полиция жұмысында бейнебақылау, нөмірлерді тану жүйелері, ұшқышсыз ұшу аппараттары және талдау құралдары сияқты заманауи технологиялардың маңызы артып келеді. Сондықтан полицияға тек «жергілікті жерде» жұмыс істейтін қызметкерлер ғана емес, техникалық, талдамалық және цифрлық дағдылары бар мамандар да қажет.
Қызметкерлерге тұрақты ақшалай үлес, жыл сайынғы ақылы еңбек демалысы, медициналық және санаторийлік-курорттық қамтамасыз ету, тиісті санаттағы қызметкерлерге тұрғын үй төлемдері, кәсіби даярлық және отбасы мүшелеріне де қатысты басқа да әлеуметтік кепілдіктер қарастырылған.
Бос жұмыс орындарымен танысып, өтінішті qyzmet-police.kz интернет-платформасы арқылы беруге болады. Тіркелгеннен кейін сервис кандидаттың біліміне сәйкес келетін бос жұмыс орындарын ұсынады. Сондай-ақ үміткерлер тұрғылықты жері бойынша полиция бөліміне немесе Петропавл қаласындағы СҚО ПД Жеке құрам жөніндегі басқармасына (Алматы көшесі, 55) жүгіне алады. Телефондар: 8 (7152) 612-612, 61-26-57.
Ақпарат көзі : https://www.gov.kz/memleket/entities/mvd-sko/press/news/details/1284604?lang=ru
Жауап қалдыру Жауапты болдырмау