Жарқайың ауданында Державинск қаласының 60 жылдық мерейтойына арналған ауқымды мерекелік іс-шаралар өтті. Мерейтойлық дата аудан тұрғындарын, көршілес өңірлерден келген қонақтарды, спортшыларды, ардагерлерді және әр буын өкілдерін бір ортаға біріктірді.
Мерекелік бағдарлама спорттық жарыстарды, мәдени іс-шараларды және қаланың тарихы мен дамуына арналған салтанатты кездесулерді қамтыды.
Юбилейлік күннің жарқын оқиғаларының бірі – Державинск қаласының ипподромында өткен ұлттық ат спорты түрлерінен жарыстар болды.
Қатысушылар тай жарыс, құнан бәйге және аламан бәйге бойынша бақ сынады. Жарысқа Жарқайың ауданының, Солтүстік Қазақстан және Қостанай облыстарының ат иелері мен тәжірибелі шабандоздары қатысты.
Көрермендер аттардың шапшаңдығы мен төзімділігін, шабандоздардың шеберлігі мен жеңіске деген жігерін көрсеткен тартысты жарыстың куәсі болды.
Тай жарыс – 4 км:
🥇 1 орын — Марина Сураганова, Державинск қаласы — 250 000 теңге
🥈 2 орын — Азамат Абсалиев, Державинск қаласы — 150 000 теңге
🥉 3 орын — Алиби Малгаждаров, Нахимовка ауылы — 100 000 теңге
Құнан бәйге – 8 км:
🥇 1 орын — Жандос Ибекенов, Ишим ауылы — 300 000 теңге
🥈 2 орын — Ибрагим Елеулов, Көкшетау қаласы — 200 000 теңге
🥉 3 орын — Құнтысхан Жылқыбаев, Көкшетау қаласы — 100 000 теңге
Аламан бәйге – 16 км:
🥇 1 орын — Түлкібай Омурзаков, Солтүстік Қазақстан облысы — 1 000 000 теңге
🥈 2 орын — Асхат Шаку, Қостанай қаласы — 500 000 теңге
🥉 3 орын — Түлкібай Омурзаков, Солтүстік Қазақстан облысы — 300 000 теңге
Ұлттық ат спорты – қазақ халқының мәдени мұрасының ажырамас бөлігі. Мұндай жарыстар ұлттық дәстүрлерді сақтауға, ұлттық спортты дамытуға және жас ұрпаққа атбегілік пен атқа міну мәдениетін насихаттауға ықпал етеді.
Мерекелік спорттық бағдарламаның жалғасы «Жастар» стадионында өткен футболдан ашық турнирмен жалғасты.
Жарысқа Жарқайың ауданы, Есіл ауданы және Арқалық қаласының командалары қатысты. Турнир достық, салауатты бәсекелестік пен командалық рух жоғары деңгейде өткен тартысты ойындармен ерекшеленді.
Турнирдің салтанатты ашылуына Державинск қаласы әкімінің орынбасары А. Сүлейменов қатысты. Ол қатысушыларды қаланың 60 жылдық мерейтойымен құттықтап, командаларға әділ ойын, жарқын жеңістер және жаңа спорттық жетістіктер тіледі.
Турнир қорытындысы бойынша:
🥇 1 орын — Жарқайың ауданының командасы
🥈 2 орын — Есіл ауданының командасы
🥉 3 орын — Арқалық қаласының командасы
Қазақ күресінен жарыс
Державинск қаласының 60 жылдығына арналған мерекелік іс-шаралар аясында қазақ күресінен жарыс та өтті.
Кілемге Целиноград, Шортанды, Жарқайың, Амангелді және Жангелді аудандарының, сондай-ақ Көкшетау, Арқалық, Қостанай және Астана қалаларының балуандары шықты.
Жарысты халықаралық дәрежедегі төреші және жоғары санатты төрешілер – Қостанай облысының өкілі Мереке Рыздықов пен Ақмола облысының өкілі Айдын Орал төрелік етті.
74 кг дейінгі салмақ дәрежесінде:
🥇 1 орын — Санжар Қыдырбаев — 250 000 теңге
🥈 2 орын — Жандаулет Тасмағамбетов — 150 000 теңге
🥉 3 орын — Бекзат Алкенов — 100 000 теңге
Бұл салмақ дәрежесіндегі барлық жүлдегерлер Жарқайың ауданының намысын қорғады.
«Түйе балуан» санатында:
🥇 1 орын — Жасұлан Халқабаев, Шортанды ауданы — 500 000 теңге
🥈 2 орын — Елнұр Салимов, Амангелді ауданы — 300 000 теңге
🥉 3 орын — Асет Жүнісов, Көкшетау қаласы — 200 000 теңге
Юбилейлік күннің маңызды шараларының бірі – Державинск қаласының 60 жылдығына арналған конференция болды. Жиынға қала және аудан тұрғындары, құрметті қонақтар, ардагерлер мен әр буын өкілдері қатысты.
Конференция барысында Державинск қаласының тарихы мен 60 жылдық мерейтойына арналған деректі фильмнің тұсаукесері өтті.
Іс-шараның ерекше жылы сәттерінің бірі – ардагерлер мен ауданның бұрынғы басшыларының сөз сөйлеуі болды. Ауданның бұрынғы әкімі А. Қалжанов және аудандық ардагерлер кеңесінің төрайымы, бұрын аудан әкімінің орынбасары қызметін атқарған У. Ахметова еңбек жылдары, әріптестері және аудан тарихын бірге қалыптастырған азаматтар туралы естеліктерімен бөлісті.
Жас ұрпақ атынан Милана Подрезова сөз сөйлеп, қазіргі жастардың туған қаласына деген көзқарасы мен Державинскінің болашағы туралы ойымен бөлісті.
Конференция соңында Державинск қаласының әкімі Заур Смағұлов ауданның бұрынғы басшыларына, сондай-ақ Державинск қаласы мен Жарқайың ауданының дамуына елеулі үлес қосқан азаматтарға мерейтойлық медальдар табыстады.
Мерейтойлық кеш
Кешкі уақытта Державинск қаласының орталық алаңында қаланың 60 жылдық мерейтойына арналған салтанатты іс-шара өтті.
Салтанатты шара барысында Жарқайың ауданының әкімі Ербол Жүсіпбеков қала тұрғындары мен қонақтарын айтулы мерейтоймен құттықтады.
Аудан әкімі өз сөзінде Державинск қаласының қалыптасуы мен дамуына үлес қосқан азаматтарға алғысын білдіріп, туған жердің тарихын сақтау және қаланың одан әрі көркеюіне атсалысу баршаға ортақ міндет екенін атап өтті.
Сонымен қатар қала тұрғындарына зор денсаулық, отбасыларына амандық, береке-бірлік және туған өлкенің болашағына толағай табыстар тіледі.
Мерекелік кеш Қазақстан эстрадасының жұлдыздары қатысқан концерттік бағдарламамен жалғасты. Қала тұрғындары мен қонақтары танымал өнерпаздардың өнерін тамашалап, көтеріңкі көңіл-күймен мерекелік кештің куәсі болды.
Державинск қаласының 60 жылдық мерейтойы – туған қаланың тарихын еске алып, оның дамуына үлес қосқан азаматтарға құрмет көрсетуге және болашаққа сеніммен қарауға мүмкіндік берген айтулы дата болды.
Мерекелік іс-шаралар әр буын өкілдерін бір арнаға тоғыстырып, туған жерге деген сүйіспеншілік, оның тарихына деген құрмет және қаланың одан әрі дамуына деген ұмтылыс Жарқайың ауданының тұрғындарын біріктіретінін көрсетті.
.
Ақпарат көзі : https://www.gov.kz/memleket/entities/aqmola-zharkain/press/news/details/1284213?lang=ru
Жауап қалдыру Жауапты болдырмау