Жоба Комсомол ауылдық округінің ауыл шаруашылығы тауар өндірушілерімен ынтымақтастық туралы меморандум шеңберінде іске асырылды. Жеке инвестициялардың жалпы көлемі 13 млн теңгені құрады.
Жоба аясында қолданыстағы су құбыры желісіне кесу жүргізілді, 700 метр су құбыры төселді және көмілді, көлемі 15 текше метр жерасты су жинағыш орнатылды, су құбыры құдығы жабдықталды және екі сорғы орнатылды.
Тұрғындарға ыңғайлы болу үшін ауыз су тарату пункті жабдықталған. Сондай-ақ, объектінің қауіпсіздігі мен бақылауын қамтамасыз ету мақсатында бейнебақылау камерасы, қоршау және сыртқы жарықтандыру орнатылды, алаңды бетондау орындалды.
Жобаны іске асыру ауыл тұрғындарының сапалы ауыз суға қолжетімділігін кеңейтуге және елді мекенді сумен жабдықтау жүйесінің сенімділігін арттыруға мүмкіндік береді.
Жұмыс сапары аясында “Бетеге-У” ЖШС элеваторына барып, кәсіпорынның қызметімен және объектінің ағымдағы жұмысымен танысты.
Элеватордың жалпы сыйымдылығы 65,0 мың тоннаны құрайды. Бүгінгі күні сақтауға 10,2 мың тонна ауыл шаруашылығы өнімі, оның ішінде бидай, жасымық, рапс және арпа түсті.
Жаңа егіннің ауыл шаруашылығы өнімін қабылдау штаттық режимде жүзеге асырылады.
Ақпарат көзі : https://www.gov.kz/memleket/entities/kostanai-sarykol-audany-akimat/press/news/details/1284677?lang=ru
Жауап қалдыру Жауапты болдырмау