Аудан әкімі аппаратының басшысы, әдеп жөніндегі уәкіл Ашимов Нұрдан Абайұлы аудан әкімі аппаратының қызметкерлерімен кездесу өткізді, оның барысында мемлекеттік қызметшілердің қызметтік әдеп нормаларын және сыбайлас жемқорлыққа қарсы заңнама талаптарын сақтау мәселелері қаралды.
Кездесу барысында қызметтік мінез-құлық ережелерін, лауазымдық міндеттерін орындау кезінде парасаттылық, жауапкершілік және дұрыстық қағидаттарын сақтауға ерекше назар аударылды. Әдеп жөніндегі уәкіл азаматтардың мемлекеттік органдарға және тұтастай мемлекеттік аппаратқа деген сенім деңгейі әрбір мемлекеттік қызметшінің мінез-құлқына тікелей байланысты екенін атап өтті.
Сондай-ақ, қызметкерлерге сыбайлас жемқорлыққа қарсы іс-қимыл саласындағы заңнаманың талаптары, оның ішінде мүдделер қақтығысына, сыбайлас жемқорлық көріністеріне және жауапкершілікке әкеп соғуы мүмкін өзге де әрекеттерге жол бермеу қажеттігі түсіндірілді. Мемлекеттік қызметшілердің белгіленген нормалар мен талаптарды сақтамағаны үшін дербес жауапкершілігі жеке атап өтілді.
Кездесу соңында қызметтік әдеп пен сыбайлас жемқорлыққа қарсы нормаларды сақтау формальды талап емес, әрбір мемлекеттік қызметшінің күнделікті қызметінің ажырамас бөлігі болуға тиіс екендігі атап өтілді
Ақпарат көзі : https://www.gov.kz/memleket/entities/pavlodar-maysk/press/news/details/1285579?lang=ru
Жауап қалдыру Жауапты болдырмау