Бүгін Шортанды кентінде жергілікті билік өкілдерін, депутаттық корпусты, қоғам белсенділерін және аудан тұрғындарын біріктірген «Таза Қазақстан» республикалық экологиялық науқаны өтті.
Науқанға аудандық мәслихаттың төрағасы Г.Сәдуақасова, аудандық мәслихаттың депутаттары А. Анесий мен П. Ткаченко, сондай-ақ Шортанды аудандық мәслихат ұжымы қатысты.
Іс-шара елді мекендерді абаттандыруға, тазалық пен тәртіпті сақтауға және халықтың экологиялық мәдениетін қалыптастыруға бағытталған «Таза Қазақстан» бастамасын іске асыру жөніндегі жұмыстың практикалық жалғасы болды.
Бұған дейін аудандық мәслихат пен Қоғамдық кеңестің тұрақты комиссиясының бірлескен отырысы шеңберінде жергілікті атқарушы органдар мен жұртшылықтың осы бастаманы іске асырудағы өзара іс-қимылы мәселесі қаралған болатын. Талқылау қорытындысы бойынша ұсынымдар әзірленіп, ауданның барлық елді мекендерінде жоспарланған іс-шаралардың орындалу мониторингін күшейту туралы шешім қабылданды.
«Таза Қазақстан» – бұл бір реттік науқан болмай, әр тұрғынның қосқан үлесі маңызды жүйелі жұмыс. Тек бірлескен күш-жігермен ғана біздің ауданды таза, жайлы және абаттандыруға болады.
Аудандық мәслихаттың баспасөз орталығы
Ақпарат көзі : https://www.gov.kz/memleket/entities/maslihat-shortandy/press/news/details/1286027?lang=ru
Жауап қалдыру Жауапты болдырмау