2026 жылғы 7-11 қыркүйек аралығында «Өркен» балалардың әл-ауқатын арттыру ұлттық ғылыми-практикалық институты» КЕАҚ базасында балалардың құқықтарын қорғау саласындағы кейс-менеджмент мәселелеріне арналған бес күндік біліктілікті арттыру курсы өтіп жатыр.
Алматы қаласы Балалардың құқықтарын қорғау басқармасының бастамасымен ұйымдастырылған бұл іс-шараның негізгі мақсаты – қиын өмірлік жағдайға тап болған балалармен және отбасылармен жұмыс істеуде кейс-менеджменттің заманауи құралдары мен тиімді әдістерін енгізу, балалардың заңды мүдделерін қорғау жүйесін жетілдіру, сондай-ақ мамандардың кәсіби құзыреттілігін арттыру болып табылады.
Оқу семинарына Алматы қаласы Балалардың құқығын қорғау орталығының 15 білікті маманы – әдіскерлер, заңгерлер, орталық басшылығының өкілдері және аудандық әкімдіктердің мемлекеттік қызметкерлері қатысуда.
Оқу барысында қатысушылар әлеуметтік кейстерді сүйемелдеу, жеке қолдау жоспарларын құру және баланың әл-ауқатын бағалаудың практикалық тетіктерін белсенді меңгеріп жатыр.
Ақпарат көзі : https://www.gov.kz/memleket/entities/almaty-bala/press/news/details/1287992?lang=ru
Жауап қалдыру Жауапты болдырмау