Аскаридоз – адам ағзасында тіршілік ететін жұмыр құрттардан (нематодтардан) пайда болатын ауру. Жуылмаған көкөністер мен жеміс-жидектерді жегеннен, ластанған топырақ, қайнатылмаған су ішкенде, жуылмаған қолдар арқылы құрттар адам денесіне түсіп, ауру туғызады. Аскаридоздың клиникасында 2 кезең байқалады: бастапқы (миграциялық) және соңғысы (ішектегі). Бастапқы– аскарида дернәсілінің өкпеге қарай миграциясы кезеңінде жөтелу, суық тию белгілері, қышыну, дене қызуы тәрізді уытты-аллергиялық құбылыстар байқалады, жаппай инвазиялау кезінде бронхит, пневмония, демікпе секілді асқынуларға әкеледі. Ал, соңғы ішектегі кезеңінде асқазан-ішек жолдары қызметі ауытқулары құсу, іш кебу, үлкен дәреттің бұзылуы сонымен қатар, тез шаршағыштық, ашуланшақтық, бас ауруы, жүрек айнуы, ұйқының бұзылуы, салмақ жоғалту белгілері болады. Алдын-алу және індетке қарсы шаралары. Алдын алу шараларының негізгісі – паразиттерді тасымалдауы мүмкін адамдарды белсенді анықтау және оларды емдеу. Балаларға дәретханадан кейін және тамақтану алдын қолды сабынмен жуу, жеміс-жидек, көкөністерді қайнаған сумен жуу, тырнақтарды уақытылы алу, іш киімдерді күн сайын ауыстыру сынды т.б ережелермен қарапайым санитариялық-гигиеналық тазалықты сақтауға үйрету.
Ақпарат көзі : https://www.gov.kz/memleket/entities/kostanai-zhangeldi-audany-akimat/press/news/details/1287296?lang=ru
Жауап қалдыру Жауапты болдырмау