2026 жылғы 8 қыркүйекте кәсіптік бағдар беру жұмысы аясында КММ «№46 орта мектеп» базасында Өскемен қаласы, Глубокое және Ұлан аудандарының мектептерінен келген 300-ге жуық 11-сынып оқушысының жерлесіміз, «Білім-Инновация» лицейінің түлегі, Глубокое ауылының тумасы Игорь Ганичевпен кездесуі өтті.
Игорь MIT және Берклидегі Калифорния университетін тәмамдап, Google компаниясында жұмыс істеген, жеке стартабын құрған. Бүгінде ол жасанды интеллект технологияларын дамыту саласында қызмет етеді.
Ашық диалог форматында оқушылар оның білім алу және кәсіби жолы, IT саласындағы мансабы мен заманауи технологиялық әлемнің мүмкіндіктері туралы білді.
Жерлесіміздің жетістік жолы оқушыларға білім, табандылық және үлкен арманның биік мақсаттарға жетуге мүмкіндік беретінінің жарқын үлгісі болды.
Ақпарат көзі : https://www.gov.kz/memleket/entities/vko-bilim/press/news/details/1287875?lang=ru
Жауап қалдыру Жауапты болдырмау