Көптеген азаматтарды: егер ауру тұрақты және қайтымсыз сипатқа ие болса, қайта куәландырудан үнемі өтіп тұру қажет пе? – деген сұрақ алаңдатады.
Қолданыстағы медициналық-әлеуметтік сараптама жүргізу қағидаларына сәйкес, 18 жастан асқан адамдарға мүгедектік мынадай жағдайларда қайта куәландыру мерзімінсіз белгіленуі мүмкін:
1.Қайтымсыз ақаулар мен аурулар болған кезде, олар МӘС жүргізу қағидаларында белгіленген тиісті Тізбеге енгізілген болса.
2.Ағза функцияларының тұрақты және қайтымсыз бұзылулары болған жағдайда, қажетті хирургиялық емдеуді және/немесе ағзаларды трансплантациялауды қоса алғанда, оңалту іс-шаралары толық көлемде жүргізіліп, оң нәтиже бермесе.
3.Бұл ретте белгіленген мүгедектік тобының тұрақтылығы және динамикалық бақылаудың ұзақтығы ескеріледі:
- I топ — кемінде 4 жыл;
- II топ — кемінде 5 жыл;
- III топ — кемінде 6 жыл.
4.Зейнеткерлік жастағы адамдарға мүгедектік оңалту болжамы қолайсыз болған жағдайда қайта куәландыру мерзімінсіз белгіленуі мүмкін.
Мынаны түсіну маңызды: диагноздың өзі немесе аурудың ұзақ уақытқа созылуы мүгедектікті қайта куәландыру мерзімінсіз белгілеуге автоматты түрде негіз болмайды. Шешімді МӘС ағзаның денсаулық жағдайын, функцияларының бұзылу дәрежесін, тіршілік-әрекетінің шектелуін, емдеу және оңалту нәтижелерін кешенді бағалау негізінде қабылдайды.
Сондай-ақ мүгедектікті қайта куәландыру мерзімінсіз белгілеу азаматты мүлдем қайта куәландырудан босатпайтынын түсіну қажет. Қағидаларда көзделген жағдайларда, оның ішінде денсаулық жағдайы өзгерген кезде, мүгедектік себебі өзгерген кезде немесе сараптамалық қорытындының негізділігін бақылау жүргізілген кезде қайта куәландыру мүмкін.
Ең бастысы: мүгедектікті қайта куәландыру мерзімінсіз белгілеу — заңнамада көзделген негіздер болған жағдайда МӘС қабылдайтын сараптамалық шешім.
Мүгедектікті белгілеудің толық шарттары медициналық-әлеуметтік сараптама жүргізу қағидаларында айқындалған.
Ақпарат көзі : https://www.gov.kz/memleket/entities/enbek-astana/press/news/details/1287366?lang=ru
Жауап қалдыру Жауапты болдырмау