Ақмола полицейлері алтын кендерін заңсыз өңдеу бойынша екі шағын цехты анықтап, жойды. Заводская және Ақсу кенттерінде заңсыз өндіріс ұйымдастырылды.
Қымбат металдардың заңсыз айналымы фактілерін анықтауға және жолын кесуге бағытталған жедел-іздестіру іс-шараларының кешені барысында полиция қызметкерлері заңсыз өндірісті ұйымдастыруға қатысы бар адамдарды анықтады.
Тергеу іс-шаралары шеңберінде үй-жайлардан арнайы жабдық пен құрамында алтын бар материал тәркіленді.
Ауыл тұрғындары кенді өңдеуге арналған арнайы үй-жайларды жабдықтап, заңсыз өндірісті өз бетінше ұйымдастырғаны алдын ала анықталды.
Екі факті бойынша да қылмыстық іс қозғалды. Тиісті сараптамалар тағайындалып, қажетті тергеу шаралары жүргізілуде.
Ақпарат көзі : https://www.gov.kz/memleket/entities/mvd-akmola/press/news/details/1288660?lang=ru
Жауап қалдыру Жауапты болдырмау