СОБР командасы футболдан ШҚО ПД чемпионатында жеңімпаз атанды

Жарияланды:

09/09/2026 04:34

—

Автор:

Алатау Ахмет-Султан

категорияда Жаңалықтар

Өскемен қаласындағы «Восток» стадионында Шығыс Қазақстан облысы Полиция департаментінің футболдан чемпионаты өтті.

Жарысқа департаменттің түрлі қызметтері мен аудандық полиция бөлімшелерінің атынан 16 команда қатысып, үздік ұжым атағы үшін бақ сынады.

Чемпионатты ШҚО ПД Арнайы және кәсіптік даярлық басқармасы Қазақстан Республикасы ІІМ-нің «Арлан» спорт клубының қолдауымен және Шығыс Қазақстан облысының дене шынықтыру және спорт басқармасымен бірлесіп ұйымдастырды.

Турнирдің ашылу салтанатында Шығыс Қазақстан облысы Полиция департаментінің бастығы, полиция генерал-майоры Ерлан Омарбеков командалардың жоғары деңгейдегі дайындығын атап өтіп, спорттың ұжымның ауызбіршілігін нығайтудағы және қызметкерлердің дене дайындығын арттырудағы маңызды рөліне тоқталды.

Чемпионат барысында барлық кездесулер тартысты өтті. Командалар жеңіске деген жігерін, жоғары дене дайындығын және ұйымшылдықтарын көрсетті.

Жарыстың шешуші кезеңінде СОБР ДП ВКО командасы мен Шемонаиха ауданының полиция бөлімі командасы финалда кездесті. Тартысты өткен матчтың қорытындысы бойынша 2:0 есебімен СОБР командасы жеңіске жетіп, чемпион атанды.

Чемпионаттың қорытындысы бойынша жүлделі орындар төмендегідей бөлінді:

🥇 1-орын — ШҚО ПД СОБР командасы;
🥈 2-орын — Шемонаиха ауданының полиция бөлімі командасы;
🥉 3-орын — Үлбі полиция бөлімі командасы.

Сонымен қатар жарыстың үздік ойыншылары жеке номинациялар бойынша марапатталды:

Үздік шабуылшы — Тукеев Мади Қайратұлы;
Үздік қорғаушы — Айткали Мирхат;
Үздік қақпашы — Солтанғазы Асылбек Талғатұлы;
Турнирдің үздік ойыншысы — Ерлибеков Тлек Фархадұлы.

Жарыс жеңімпаздары мен жүлдегерлеріне кубоктар, дипломдар және естелік сыйлықтар табысталды.

Чемпионат қызметкерлер арасында салауатты өмір салтын насихаттаумен қатар, командалық өзара іс-қимылды нығайтуға және Шығыс Қазақстан облысы Полиция департаментінің құрама командасына перспективалы спортшыларды іріктеуге мүмкіндік берді.

Жеңімпаздар мен жүлдегерлерді лайықты нәтижелерімен құттықтаймыз!