«ЖАҢА ШЕШІМДЕР УАҚЫТЫ»

«ЖАҢА ШЕШІМДЕР УАҚЫТЫ»

Маманнан басшыға дейін: Сандуғаш Қайратқызының кәсіби жолы

15 қыркүйек — Санитариялық-эпидемиологиялық қызмет жұмыскерлері күні. Бұл күн халық денсаулығын қорғау, қауіп-қатерлердің алдын алу және санитариялық-эпидемиологиялық саламаттылықты қамтамасыз ету тек кәсіби міндет қана емес, күнделікті еңбегінің маңызды бөлігі болып табылатын мамандарды біріктіреді.

Кәсіби мереке қарсаңында «Жаңа шешімдер уақыты» айдары аясында санитариялық-эпидемиологиялық қызметтегі кәсіби жолы жауапкершіліктің, біліктіліктің және таңдаған ісіне деген адалдықтың үлгісі болып табылатын қызметкерлер туралы әңгімелеуді жалғастырамыз.

Қымызкенова Сандуғаш Қайратқызының кәсіби қызметі әуел бастан санитариялық-эпидемиологиялық қызметпен тығыз байланысты. 2011 жылы Қарағанды мемлекеттік медициналық институтын «Медициналық-профилактикалық іс» мамандығы бойынша тәмамдады. Сол жылы Екібастұз қаласының Мемлекеттік санитариялық-эпидемиологиялық қызмет басқармасында еңбек жолын бастады.

Еңбек жолының алғашқы жылдары Сандуғаш Қайратқызы үшін кәсіби тәжірибе қалыптастыру кезеңі болды. Бас маман қызметін атқара жүріп, санитариялық-эпидемиологиялық қадағалау мәселелерімен айналысып, практикалық білім жинақтады және қызметтің негізгі бағыттарын терең меңгерді.

2017 жылы оның кәсіби мансабында жаңа кезең басталды — Сандуғаш Қайратқызы Екібастұз қалалық басқармасының ұйымдастыру-құқықтық жұмыс және мониторинг бөлімін басқарды. Басшылық қызмет кәсіби құзыреттілікпен қатар, ұжымның жұмысын ұйымдастыруды, қызметті құқықтық сүйемелдеуді және тиімді мониторинг жүргізуді талап етті.

2018 жылғы желтоқсанда Сандуғаш Қайратқызы Екібастұз қалалық басқармасы басшысының орынбасары болып тағайындалды. Осы кезеңнен бастап оның қызметі басқару, бөлімшенің жұмысын үйлестіру және санитариялық-эпидемиологиялық қызмет алдына қойылған міндеттердің орындалуын қамтамасыз етумен тікелей байланысты болды.

Санитариялық-эпидемиологиялық қызметтің құрылымы мен атауында кейіннен бірқатар өзгерістер болғанына қарамастан, Сандуғаш Қайратқызы басшының орынбасары қызметіндегі кәсіби қызметін жалғастырып, жинақтаған тәжірибесінің сабақтастығын сақтап, жұмысына жауапкершілікпен қарап келеді.

Көп жылғы еңбек жолында ол елеулі кәсіби белесті бағындырды — санитариялық-эпидемиологиялық бақылауды тікелей жүзеге асыратын маманнан бөлімшенің қызметін ұйымдастыру мен үйлестіруге жауапты басшыға дейінгі жолдан өтті. Осындай тәжірибе оған қызмет міндеттерін кешенді бағалауға, практикалық білімін басқарушылық дағдылармен ұштастыруға мүмкіндік береді.

Бүгінде Сандуғаш Қайратқызының кәсіби білімі мен мол тәжірибесі Екібастұз қалалық басқармасының тиімді жұмысын ұйымдастыруға, мамандардың қызметін үйлестіруге және санитариялық-эпидемиологиялық бақылау саласындағы міндеттердің орындалуын қамтамасыз етуге бағытталған.

Оның кәсіби жолы — жүйелі дамудың, жауапкершіліктің және санитариялық-эпидемиологиялық қызметке деген адалдықтың жарқын үлгісі. Дәл осындай мамандардың арқасында кәсіби сабақтастық сақталып, кадрлық әлеует нығаяды және басты мақсаты — санитариялық-эпидемиологиялық саламаттылықты қамтамасыз ету және халықтың денсаулығын қорғау болып табылатын жүйенің жұмысы жетілдіріле түседі.

Ақпарат көзі : https://www.gov.kz/memleket/entities/departament-kkbtu-pavlodar/press/news/details/1290511?lang=ru