Шардарада кәсіпкерлер мен шаруалардың мәселесін тыңдап қана қоймай, нақты шешімге бағытталған ашық диалог өтті.
Бүгін ауданда өткен «Инвест керуен» аясында инвесторлар, кәсіпкерлер мен шаруа қожалықтарының төрағалары бас қосып, өздерін толғандырған мәселелерін ортаға салды.
Жиынға аудан әкімінің орынбасары Еркебұлан Каратунов, Шардара қаласы мен ауылдық округтердің әкімдері, мекеме және бөлім басшылары, сондай-ақ қала мен ауылдық округтерден келген кәсіпкерлер мен шаруа қожалықтарының төрағалары қатысты.
Кездесудің басты ерекшелігі – көтерілген әр мәселенің назардан тыс қалмай, оған жауапты сала мамандарының қатысуымен нақты талқылануы болды. Жиын барысында қатысушылар өздерін толғандырған сауалдарын қойып, тиісті мамандардан нақты әрі жан-жақты жауаптар алды.
Аудан прокуроры Алмас Ермекұлы өз сөзінде кәсіпкерлер мен шаруалардың заңды құқықтарын қорғау, туындаған мәселелердің заң аясында шешілуі маңызды екенін атап өтті. Сонымен қатар ол прокуратураның есігі азаматтар мен кәсіпкерлер үшін әрдайым ашық екенін жеткізді. Қандай да бір мәселе туындаған жағдайда заң талаптары шеңберінде көмек көрсетуге дайын екендігін білдірді.
Бүгінгі кездесу – жай ғана жиын емес, мәселені ашық айтып, нақты жауап алуға және нәтижеге бірге ұмтылуға мүмкіндік берген пікір алаңы болды.
Кәсіпкердің ұсынысы тыңдалып, шаруаның мәселесі ескеріліп, әр сауалға нақты жауап берілген жерде сенім де нығая түседі.
Ашық диалог – өзара түсіністіктің негізі, ал нақты жауап – нәтижелі жұмыстың бастауы.
Шардара ауданы әкімдігінің баспасөз қызметі
Ақпарат көзі : https://www.gov.kz/memleket/entities/turkestan-shardarin-audany/press/news/details/1290952?lang=ru
Жауап қалдыру Жауапты болдырмау