Жаканбаева Айман Мухаметкалиевна — санитариялық-эпидемиологиялық қызметтің ардагері, көліктегі санитариялық-эпидемиологиялық бақылау саласында 31 жыл еңбек еткен білікті маман.
1992 жылы Қарағанды мемлекеттік медицина институтын «Гигиена, санитария, эпидемиология» мамандығы бойынша дәрігер-эпидемиолог біліктілігімен тәмамдаған. Еңбек жолын санитариялық-эпидемиологиялық қызметтен бастап, 1995 жылдан бастап көліктегі санитариялық-эпидемиологиялық бақылау саласында қызмет атқарды. Әр жылдары түрлі лауазымдарда, соның ішінде басшылық қызметтерде еңбек етті. Көп жылғы кәсіби қызметі барысында инфекциялық және паразиттік аурулардың алдын алу, эпидемиологиялық қадағалауды ұйымдастыру, санитариялық-карантиндік бақылауды жетілдіру бағытында елеулі жұмыстар атқарды. Айман Мухаметкалиевна Қазақстан Республикасының шекарасындағы санитариялық-карантиндік пункттердің жұмысын ұйымдастыруға, олардың материалдық-техникалық базасын жетілдіруге және мамандардың кәсіби даярлығын арттыруға айрықша үлес қосты. Аса қауіпті инфекциялардың әкелінуі мен таралуының алдын алу бойынша профилактикалық және эпидемияға қарсы іс-шараларды ұйымдастыруға белсенді қатысты. Кәсіби еңбегі жоғары бағаланып, Қазақстан Республикасы Денсаулық сақтау министрлігінің Құрмет грамоталарымен, Алғыс хаттарымен, «Денсаулық сақтау ісінің үздігі» төсбелгісімен және медальмен марапатталған. Жауапкершілігі, кәсіби білімі мен мол тәжірибесі арқылы әріптестерінің құрметі мен сеніміне ие болған Айман Мухаметкалиевна бүгінде санитариялық-эпидемиологиялық қызметтің ардагері ретінде жас мамандарға үлгі болып келеді. Санитариялық-эпидемиологиялық қызметтің дамуына қосқан елеулі үлесі мен көп жылғы адал еңбегі үшін Айман Мухаметкалиевнаға зор алғыс білдіреміз!
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1292758?lang=ru
Жауап қалдыру Жауапты болдырмау