Қазақстан Республикасының Астраханьдағы Бас консулдығында Б.Б.Городовиков атындағы Қалмақ мемлекеттік университетінің ректоры Бадма Салаевпен және осы мекеменің халықаралық ынтымақтастық жөніндегі проректоры Олеся Кононовамен жұмыс кездесуі өтті.
Әңгімелесу барысында тараптар жоғары білім және ғылым саласындағы ынтымақтастықтың қазіргі жағдайы мен даму перспективаларын талқылады. Ректор университеттің халықаралық қызметі туралы егжей-тегжейлі баяндап, бүгінгі таңда оқу орнында әлемнің 53 елінен студенттер білім алатынын атап өтті. Университеттің Қазақстан Республикасының жетекші жоғары оқу орындарымен тығыз және ұзақ мерзімді ғылыми–білім беру байланыстары бар екені ерекше атап өтілді.
Оқу орнының басшылығы академиялық алмасуларды одан әрі нығайтуға және университетке оқуға түсетін қазақстандық азаматтарының санын көбейтуге жоғары қызығушылық білдіріп, оқытудың қолайлы жағдайлары мен жоғары стандарттарын жасауға дайын екендігін атап өтті.
Бұдан басқа, қазақстандық жоғары оқу орындарының ағымдағы жылдың 25-28 қазанына жоспарланған «Каспий өңірі жаһандық өзгерістер мен су ресурстарының тапшылығы: бастамалар мен жақсартулар контексінде» халықаралық сараптамалық диалогына қатысуы мәселесі қаралды.
Бас консулдық Қазақстан мен Ресей арасындағы гуманитарлық және білім беру жобаларына одан әрі жәрдемдесуге бейілділігін растады.
Ақпарат көзі : https://www.gov.kz/memleket/entities/mfa-astrakhan/press/news/details/1292637?lang=ru
Жауап қалдыру Жауапты болдырмау