Тауарларға арналған декларацияның 31-бағанындағы мәліметтердің шынайылығы – кедендік ресімдеуді жедел жүргізудің кепілі

Алматы қаласы бойынша Мемлекеттік кірістер департаменті тауарларға арналған декларацияны тапсырған кезде 31-бағанды «Жүк орындары және тауарлардың сипаттамасы» толтырудың негізгі аспектілерін түсіндіреді.
31-баған – декларацияның басты бөлімдерінің бірі. Онда көрсетілген толық мәліметтер өнімді нақты айқындау және оны ЕАЭО СЭҚ ТН 10 таңбалы коды бойынша дұрыс жіктеу үшін қажет.

31-бағанның дұрыс әрі толық толтырылуы неге әсер етеді:

• Қаржылық есептеулердің нақтылығы: кедендік баждарды, салықтарды және басқа да міндетті төлемдерді дұрыс есептеу мен төлеу;
• Регламенттердің сақталуы: тарифтік емес реттеу шараларын, арнайы қорғау шараларын, тыйым салулар мен шектеулерді қолдану;
• Құқықтық қорғау: зияткерлік меншік объектілеріне құқықтарды қорғау саласындағы тиімді бақылау;
• Рәсімдерді оңтайландыру: кедендік тәуекелдерді азайту, тексеру шараларының көлемін қысқарту және тауарларды шығару мерзімдерін айтарлықтай жылдамдату.

Құқықтық база және нормативтік талаптар

31-бағанды толтыру тәртібі Кеден одағы комиссиясының 2010 жылғы 20 мамырдағы № 257 шешімімен белгіленген. Тауарлардың жекелеген түрлері бойынша (ішкі тұтыну үшін шығару, кедендік қойма, қайта өңдеу, уақытша әкелу/әкету, реимпорт, реэкспорт, АЭЗ және еркін қойма кедендік рәсімдеріне орналастыруды қоса алғанда) мәліметтерді егжей-тегжейлі көрсету талаптары аталған Тәртіптің № 2 қосымшасымен бекітілген. Тауарлардың тек жалпылама атауларын пайдалануға жол берілмейді – сипаттама толық, айқын және түсінікті болуы тиіс. СЭҚ қатысушыларына арналған ұсынымдар Ресімдеу кезіндегі кідірістердің және декларациялау тәртібін бұзғаны үшін әкімшілік жауаптылыққа тартылу тәуекелдерінің алдын алу үшін Департамент декларацияны бергенге дейін мәліметтерді мұқият тексеруді ұсынады.

31-бағандағы мәліметтер мыналарға қатаң сәйкес келуі тиіс:

1. Коммерциялық, көліктік, техникалық және басқа да ілеспе құжаттарға;
2. Декларацияланатын жүктің нақты сипаттамалары мен физикалық жай-күйіне.

Бизнес тарапынан белгіленген кедендік ережелердің сақталуы – процестердің ашықтығы мен барлық кедендік рәсімдерден жедел өтудің негізгі шарты.

Ақпарат көзі : https://www.gov.kz/memleket/entities/kgd-almaty/press/news/details/1293784?lang=ru