2026 жылғы 17 қыркүйекте Маңғыстау облысының санитариялық-эпидемиологиялық бақылау департаменті мен Маңғыстау облысының денсаулық сақтау басқармасының бірлескен бұйрығы аясында инфекциялардың профилактикасы және инфекциялық бақылаудың озық тәжірибелерін енгізу жұмыстарын одан әрі жетілдіру мақсатында облыстық семинар өткізілді.

Іс-шара «Маңғыстау облыстық перинаталдық орталығы» ШЖҚ МКК-нің конференц-залында ұйымдастырылды. Семинарға қалалық және аудандық санитариялық-эпидемиологиялық бақылау басқармаларының мамандары, медициналық ұйымдардағы инфекциялық бақылауға жауапты қызметкерлер, аға мейіргерлер және эпидемиологтар қатысты.

Семинар барысында медициналық ұйымдардағы инфекциялық бақылауды ұйымдастырудың өзекті мәселелері қаралып, ерекше бақылау және қадағалау бағыттары бойынша жүргізілген тексерулердің нәтижелері талқыланды.

Сонымен қатар, босандыру ұйымдарында инфекциялық бақылау бағдарламасын ұйымдастыру, медициналық көмек көрсетумен байланысты инфекциялардың, оның ішінде парентеральды вирустық гепатиттер мен АИТВ инфекциясының алдын алу, ауруханаішілік инфекциялардың өршу жағдайларын болдырмау, сондай-ақ медициналық ұйымдарда орталықтандырылған дезинфекциялау және стерильдеу жұмыстарын ұйымдастыру мәселелеріне ерекше назар аударылды.

Ақпарат көзі : https://www.gov.kz/memleket/entities/departament-kkbtu-mangistau/press/news/details/1294640?lang=ru