Қостанай облысында кәмелетке толмағандардың құқықтарын қорғау және құқық бұзушылықтардың алдын алу шаралары талқыланды.
Кәмелетке толмағандардың істері және олардың құқықтарын қорғау жөніндегі облыстық комиссияның кезекті отырысы өтті. Отырыс аралас форматта комиссия мүшелерінің қатысуымен және өңірлердің онлайн режимде қосылуымен өтті.
Күн тәртібінде өскелең ұрпақтың қауіпсіздігі мен әл-ауқатына қатысты екі негізгі мәселе қаралды.
Бірінші мәселе аясында Балалардың құқықтарын қорғау жөніндегі жаңа Басқарманың қызметі және кәмелетке толмағандардың құқықтары мен заңды мүдделерін қамтамасыз ету шаралары қаралды. Балалардың құқықтарының сақталуын бақылауды күшейтуге, сондай-ақ ведомствоаралық өзара іс-қимыл мен үйлестіруді жетілдіруге ерекше назар аударылды.
Екінші мәселе кәмелетке толмағандар арасындағы ерте жүктілік пен суицидтік мінез-құлықтың алдын алуға арналды. Іске асырылып жатқан профилактикалық шаралар және осы бағыттағы жұмысты күшейту жөніндегі одан арғы қадамдар талқыланды.
Отырыс қорытындысы бойынша профилактика субъектілеріне нақты тапсырмалар берілді. Атап айтқанда, ерте жүктіліктің алдын алу бойынша ақпараттық-түсіндіру және профилактикалық жұмысты күшейту қажет.
Балалардың қауіпсіздігі мен әл-ауқаты үшін отбасының, білім беру және денсаулық сақтау жүйесінің ортақ жауапкершілігіне ерекше көңіл бөлінді.
Бейінді ведомстволардың алдына тәуекелдерді уақтылы анықтауға және алдын алуға, құқық бұзушылықтардың профилактикасына және әрбір баланың құқықтары мен заңды мүдделерін қорғауға бағытталған үйлестірілген жұмысты қамтамасыз ету міндеті қойылды.
Ақпарат көзі : https://www.gov.kz/memleket/entities/uzpd-kostanay/press/news/details/1294567?lang=ru
Жауап қалдыру Жауапты болдырмау