16 қыркүйекте Қостанай облыстық мәслихатының VIII шақырылымының кезектен тыс сессиясы қашықтан форматта өтті.
Сессияны Қостанай облыстық мәслихаты төрағасының өкілеттігін уақытша жүзеге асырушы Жұтаев Махаббат Сағынбаевич ашып, жүргізді.
Сессия жұмысына облыстық мәслихат депутаттары мен мемлекеттік органдардың өкілдері қатысты.
Күн тәртібіндегі негізгі мәселелердің бірі облыстық бюджетті нақтылау болды. Аталған мәселені қарау барысында депутаттар өңірдің ағымдағы әлеуметтік-экономикалық міндеттерін ескере отырып, бюджет көрсеткіштері мен шығыстар бағыттарына енгізілетін өзгерістерді талқылады.
Облыстық бюджетті нақтылау мәселесі бойынша Қостанай облысы әкімдігінің Экономика және бюджеттік жоспарлау басқармасының басшысы Амирбеков Ильясхан Шах-Сұлтанұлы баяндама жасады.
Мәселені қарау қорытындысы бойынша депутаттар тиісті шешім қабылдады.
Ақпарат көзі : https://www.gov.kz/memleket/entities/kostanai-oblys-apparaty/press/news/details/1294982?lang=ru
Жауап қалдыру Жауапты болдырмау