Жарқайың ауданында «Таза Қазақстан» экологиялық акциясы және Дүниежүзілік тазалық күні – World Cleanup Day аясында жалпы аудандық сенбілік өтті.

Іс-шараға 1 474 адам – ұйымдар, кәсіпорындар мен мекемелердің өкілдері, сондай-ақ аудан тұрғындары қатысты.

Сенбілік барысында аумақтарды тұрмыстық қоқыстан тазарту, қоғамдық орындарды, жол жиектерін және бекітілген басқа да аумақтарды абаттандыру жұмыстары жүргізілді.

Іс-шара барысында барлығы 74 гектар аумақ тазартылып, 22,1 тонна қоқыс жиналып, шығарылды.

Сенбілік аудан тұрғындары мен еңбек ұжымдарының тазалықты сақтау, елді мекендерді абаттандыру және қоршаған ортаны қорғауға қосқан кезекті үлесі болды.

Ақпарат көзі : https://www.gov.kz/memleket/entities/aqmola-zharkain/press/news/details/1295004?lang=ru