Павлодарлық азамат алаяқтық ісін ашқан тергеушіге алғысын білдірді

     Павлодарлық азамат алаяқтық ісін ашқан тергеушіге алғысын білдірді.

     Павлодар қаласының тұрғыны Ермурат Аденов Павлодар қаласы полиция басқармасының бастығы Балғабай Қапаровқа өтініш жолдап, алаяқтық ісін тергеген полиция қызметкеріне алғысын білдірді.

     Азамат пластикалық терезе орнату үшін бір азаматқа 280 мың теңге көлемінде алдын ала төлем жасаған. Алайда кейін тапсырыс орындалмай, қаражаты қайтарылмаған. Осыған байланысты ол полицияға жүгінген.

– Павлодар қаласы полиция басқармасының тергеушісі Алихан Чикаевқа шын жүректен алғысымды білдіргім келеді. Мен алаяқтық фактісі бойынша полицияға жүгіндім. Тергеуші барлық қажетті тергеу әрекеттерін жедел әрі сапалы жүргізді. Қызметтік міндеттерін адал атқаруының арқасында ақшалай қаражатым толық көлемде қайтарылды.

Бұл жағдай полиция қызметкерлерінің азаматтардың құқықтары мен мүдделерін қорғау бағытында өз міндеттерін тиімді атқарып жүргенінің нақты дәлелі. Қызметтеріңізге рақмет! — делінген азаматтың алғыс хатында.

     Полиция департаменті атап өткендей, тұрғындардан келіп түсетін оң пікірлер азаматтардың полиция жұмысына деген сенімінің және көрсетілетін қызметтердің сапасы мен жеделдігіне қанағаттанушылығының маңызды көрсеткіші болып табылады.

     Полиция қызметкерлерінің басты міндеттерінің бірі — азаматтарға көмек көрсету, олардың құқықтары мен заңды мүдделерін қорғау.

Ақпарат көзі : https://www.gov.kz/memleket/entities/qriim/press/news/details/1297107?lang=ru