Шахтинск қаласы мәслихатының бейінді комиссияларының бірлескен отырысы

2026 жылғы 21 қыркүйекте Ж.С. Мамерханованың төрағалығымен Шахтинск қалалық мәслихатының бейінді комиссияларының бірлескен отырысы өтті.

Отырысқа қалалық мәслихат депутаттары, қала әкімінің орынбасары А.Е. Саттыбаев, Шахтинск қаласы экономика және қаржы бөлімінің басшысының орынбасары Э.И. Федюшкина, «Шахтинск қаласының тұрғын үй-коммуналдық шаруашылығы, жолаушылар көлігі және автомобиль жолдары бөлімі» ММ басшысының міндетін атқарушы А.Т. Айтышов, кент әкімдері және Қоғамдық кеңес мүшелері қатысты.

Отырыс барысында депутаттар күн тәртібіне енгізілген келесі мәселелерді қарады:

1. Әкімге жүктелген функциялар мен міндеттердің орындалуы туралы әкімнің есебі.
2. Елді мекендерді абаттандыру және көгалдандыру бағдарламаларының іске асырылуы туралы.
3. Әртүрлі.

Күн тәртібіндегі бірінші мәселе бойынша ақпаратты қала әкімінің орынбасары А.Е. Саттыбаев ұсынды.

Екінші мәселе бойынша 11-ші сайлау округінен сайланған депутат, уақытша жұмыс комиссиясының жетекшісі М.Ж. Тоханов жұмыс комиссиясының анықтамасын, қорытындысын және шешім жобасын әріптестерінің қарауына ұсынды.

«Әртүрлі» бөлімінде қаралған мәселе бойынша қалалық аумақтық сайлау комиссиясының төрайымы Д.Ж. Шинжанова ақпарат берді. Ол аумақтық сайлау комиссиясы жекелеген комиссия мүшелерінің шығып қалуына байланысты сайлау комиссияларының құрамына өзгерістер енгізу туралы өтінішхат енгізгенін хабарлады.

Барлық мәселелерді қарау қорытындысы бойынша тиісті шешім жобалары әзірленіп, Шахтинск қалалық мәслихатының кезекті XXXI сессиясының қарауына жолданды.

Ақпарат көзі : https://www.gov.kz/memleket/entities/maslihat-karaganda-shahtinsk/press/news/details/1296598?lang=ru