Абай облысы Бородулиха ауданының Қызыл Яр ауылында «Ауыл құтқарушылары» ведомстволық бағдарламасы аясында жаңа өрт сөндіру бекеті пайдалануға берілді. Бекет Қызыл Яр, Речное және Уба-Форпост елді мекендеріндегі шамамен 480 тұрғынның өрт қауіпсіздігін қамтамасыз етеді.
Бекеттің ашылу рәсіміне ҚР Төтенше жағдайлар министрлігі Өртке қарсы қызмет комитеті төрағасының орынбасары Асқар Төлешев, Абай облысы Төтенше жағдайлар департаментінің бастығы, полковник Манарбек Қайыргелдіұлы Шапағатов, сондай-ақ Бородулиха ауданының әкімі Талғат Батырұлы Мұратов қатысты.
Бекет байланыс құралдарымен, қажетті жабдықтармен және жауынгерлік киіммен қамтамасыз етілген. Ғимаратта әкімшілік-тұрмыстық бөлмелер, демалыс және тамақтану бөлмелері, санитарлық торап қарастырылған. Нысан электр энергиясымен, сумен және жылумен қамтамасыз етілген.
Жаңа бекеттің ашылуы өрттер мен төтенше жағдайларға жедел әрекет ету мүмкіндігін арттырып, елді мекен тұрғындарының қауіпсіздігін қамтамасыз етуге қосымша мүмкіндік береді.
Ақпарат көзі : https://www.gov.kz/memleket/entities/emer/press/news/details/1299393?lang=ru
Жауап қалдыру Жауапты болдырмау