Абай облысында «Таза Қазақстан» акциясы аясында абаттандыру талаптарының сақталуына бағытталған жұмыстар жүйелі түрде жүргізілуде.
Акция аясында облыс аумағында елді мекендердің санитариялық жай-күйін бақылау, қоғамдық тәртіпті қамтамасыз ету және абаттандыру қағидаларының сақталуын қадағалау мақсатында 2 659-дан астам рейдтік іс-шара өткізілді.
Рейдтік жұмыстардың нәтижесінде елді мекендердің аумақтарын абаттандыру қағидаларын бұзуға байланысты 10 821 құқық бұзушылықтың жолы кесілді. Анықталған фактілер бойынша қолданыстағы заңнама талаптарына сәйкес тиісті шаралар қабылданды.
Атап айтқанда, жалпы сомасы 41 млн 908 мың 385 теңге болатын 994 әкімшілік айыппұл салынды. Сонымен қатар құқық бұзушылықтардың жасалуына ықпал ететін себептер мен жағдайларды жоюға бағытталған 77 ұсыным енгізілді.
Қоғамдық тәртіпті бақылау және құқық бұзушылықтардың алдын алу бағытында бейнебақылау жүйесінің мүмкіндіктері де кеңінен пайдаланылуда.
Қазіргі таңда Абай облысы Полиция департаментінің аумақтық бөлімшелерінің кезекші бөлімдеріне 15 942 камера көшелердегі қоғамдық тәртіпті қамтамасыз етуге бағытталған.
Бейнебақылау жүйесі құқық бұзушылықтарды жедел анықтауға, олардың алдын алуға және қоғамдық орындардағы қауіпсіздікті қамтамасыз етуге мүмкіндік береді.
«Таза Қазақстан» акциясы аясындағы рейдтік және профилактикалық жұмыстардың негізгі мақсаты – тек анықталған құқық бұзушылықтар бойынша шара қолдану емес, сонымен қатар тұрғындардың абаттандыру талаптарын сақтау мәдениетін қалыптастыру және елді мекендердің тазалығы мен қоғамдық тәртібін қамтамасыз ету.
Ақпарат көзі : https://www.gov.kz/memleket/entities/mvd-abay/press/news/details/1300275?lang=ru
Жауап қалдыру Жауапты болдырмау