Медициналық-әлеуметтік сараптаманың көзбе-көз куәландыру нәтижесімен келіспеген азаматтардың заңнамада белгіленген тәртіппен шағымдануға құқығы бар.
Медициналық-әлеуметтік сараптама жүргізу және оның нәтижелеріне шағымдану тәртібі Қазақстан Республикасы Премьер-Министрінің орынбасары – Еңбек және халықты әлеуметтік қорғау министрінің 2023 жылғы 29 маусымдағы №260 бұйрығымен бекітілген Медициналық-әлеуметтік сараптама жүргізу қағидаларымен реттеледі.
Егер азамат немесе оның заңды өкілі медициналық-әлеуметтік сараптаманың сараптамалық қорытындысымен келіспеген жағдайда, сараптамалық қорытындыны алған күннен бастап үш айдан кешіктірмей шағым беруге құқылы.
Шағым әкімшілік актіге немесе әкімшілік әрекетке шағым жасалатын тиісті әкімшілік органға немесе лауазымды адамға беріледі.
Шағым Қазақстан Республикасының Әкімшілік рәсімдік-процестік кодексінің талаптарына сәйкес қаралады. Жалпы тәртіп бойынша, шағым келіп түскен күннен бастап 20 жұмыс күні ішінде қаралуға тиіс.
Бұл ретте азаматтың шағым беру үшін үш айлық мерзімнің аяқталуын күтудің қажеті жоқ. Медициналық-әлеуметтік сараптаманың сараптамалық қорытындысымен келіспеген жағдайда, азамат шағымын белгіленген үш айлық мерзім ішінде кез келген уақытта бере алады.
Сонымен қатар, заңнамада өзгеше көзделмесе, сотқа жүгінудің алдында әкімшілік, яғни сотқа дейінгі тәртіппен шағымдану қажет.
Осыған байланысты, медициналық-әлеуметтік сараптаманың көзбе-көз куәландыру нәтижесімен келіспеген азаматтар өздерінің заңнамада көзделген шағымдану құқығын пайдалана алады.
Есте сақтаңыз:
* шағым беру мерзімі – 3 ай;
* шағымды қарау мерзімі – 20 жұмыс күні;
* сотқа жүгінер алдында, заңнамада өзгеше көзделмесе, алдымен сотқа дейінгі шағымдану тәртібінен өту қажет.
Ақпарат көзі : https://www.gov.kz/memleket/entities/enbek-aktobe/press/news/details/1300977?lang=ru
Жауап қалдыру Жауапты болдырмау