Құрманғазы көшесінде гастрокөшененің қалай жасалып жатқаны

Құрманғазы көшесінде құрылыс жұмыстарының жүргізілу барысына қатысты туындаған сұрақтарға байланысты қазіргі жағдайды түсіндіреміз.
Учаскеде гастрокөше жасалуда
Қазіргі уақытта аталған учаскеде гастрокөше жасау жұмыстары жүргізілуде.

Жер бедерінің еңістігіне байланысты мердігер ұйым тіреу қабырғасын тұрғызуда. Бұл жұмыстар аумақты тегістеу және жасыл аймақтың деңгейін көтеру үшін қажет.

Фото және бейнематериалдарда түсірілген нысандарға қатысты жағдайды жеке түсіндіре кетеміз. Бұл тірі көпжылдық ағаш емес, шамамен екі жыл бұрын кесілген ағаштың түбірі.
Қазіргі құрылыс жұмыстары барысында тірі жасыл желектерге зақым келтірілген жоқ.
Сонымен қатар, аталған учаскеде бастапқыда арық желісі болмағанын хабарлаймыз. Осыған байланысты «арық бетонмен жабылып тасталды» деген ақпарат шындыққа сәйкес келмейді.
Мердігер жауапкершілікке тартылды
Сонымен бірге, жұмыс барысында тірі ағаштарға зақым келтірілмегеніне қарамастан, мердігер ұйым тарапынан құрылыс жұмыстарын жүргізу және абаттандыру қағидаларын бұзу фактілері орын алған.
Анықталған заң бұзушылықтар үшін компания әкімшілік жауапкершілікке тартылды. Бүгінгі таңда мердігер ұйымға қатысты әкімшілік хаттама толтырылып, айыппұл салынды.
Аумақ қалпына келтіріледі
Негізгі қара жұмыстар аяқталғаннан кейін аумақ толық ретке келтіріліп, абаттандырылады.
Кейінгі абаттандыру жұмыстары аясында мұнда жаңа бұталар отырғызылып, жаңартылған жасыл аймақ құрылады.
фҚалалық ортаны абаттандыру және сақтау мәселелеріне назар аударып отырған тұрғындарға алғыс білдіреміз.

Ақпарат көзі : https://www.gov.kz/memleket/entities/almaty-almaly/press/news/details/1301414?lang=ru