Жоспардан тыс тексеру жүргізілуде
«Тараз теміржол көлік және коммуникация колледжі» коммуналдық мемлекеттік қазыналық кәсіпорнында мемлекеттік еңбек инспекторы Н. Досмахановтың қатысуымен жоспардан тыс тексеру жүргізілуде.
Тексеру барысында кәсіпорындағы еңбек заңнамасы талаптарының сақталуы, жұмыскерлердің еңбек құқықтары мен заңды мүдделерінің қамтамасыз етілуі, еңбек қатынастарының заңнамаға сәйкес рәсімделуі және жұмыс берушінің еңбек саласындағы міндеттемелерді орындауы зерделенуде.
Сонымен қатар, жұмыскерлермен жасалған еңбек шарттарының талаптары, еңбек қатынастарына қатысты құжаттардың жүргізілуі, жұмыс уақыты мен тынығу уақытының сақталуы, еңбекақы төлеу мәселелері және еңбек қауіпсіздігі мен еңбекті қорғау талаптарының орындалуы қарастырылуда.
Жоспардан тыс тексеру барысында анықталған мәселелер бойынша қолданыстағы еңбек заңнамасының талаптарына сәйкес тиісті шаралар қабылданады.
Еңбек заңнамасының сақталуы – жұмыскерлердің құқықтарын қорғаудың маңызды кепілі.
Ақпарат көзі : https://www.gov.kz/memleket/entities/trud-zhambyl/press/news/details/1301492?lang=ru
Жауап қалдыру Жауапты болдырмау