Горчиневских отбасында педагог мамандығы ұрпақтан ұрпаққа жалғасқан отбасылық дәстүрге айналған. Үш буын өкілі өз өмірін мектепке, балаларға және өскелең ұрпақты тәрбиелеу мен оқытуға арнап келеді.
Әулеттің негізін қалаған — Дармина Александра Григорьевна. Ол 30 жылдан астам уақыт бойы Ақмола облысының Михайловка ауылындағы мектепте география пәнінен сабақ берген. Көп жылғы педагогикалық еңбегі үшін «Қазақ ССР оқу-ағарту ісінің үздігі» төсбелгісімен, сондай-ақ облыстық және аудандық деңгейдегі грамоталармен марапатталған. Александра Григорьевна 2016 жылы өмірден өтіп, артында жарқын естелік пен өз ісін лайықты жалғастырушыларын қалдырды.
Немересі — Горчиневская Ольга Леонидовна — Қарағанды мемлекеттік университетін «Тарих пәнінің мұғалімі» мамандығы бойынша тәмамдаған. Бүгінде Аршалы ауданының Михайловка ауылындағы жалпы білім беретін мектепте тарих пәнінің мұғалімі болып жұмыс істейді. 35 жылдық педагогикалық еңбек өтілі ішінде тәжірибелі ұстаз ретінде қалыптасып, кәсіби жетістіктері үшін көптеген грамоталар мен алғыс хаттарға ие болды. Біліктілік санаты — педагог- зерттеуші.
Әулеттің педагогикалық дәстүрін шөбересі — Горчиневская Алла Александровна жалғастырып келеді. Астана қаласындағы Гуманитарлық колледжді тәмамдағаннан кейін ол бастауыш сынып мұғалімі мамандығын таңдады. Бүгінде Алла Александровна Астана қаласындағы №119 жалпы білім беретін мектепте еңбек етеді. Педагогикалық еңбек өтілі — 7 жыл, біліктілік санаты — педагог-сарапшы.
Үш ұрпақ, бір мамандық және балаларға деген ортақ сүйіспеншілік. Горчиневских отбасының тарихы — педагогикалық мамандықтың ұрпақтан ұрпаққа жалғасып, ұстаз еңбегіне деген құрмет пен таңдаған кәсібіне деген адалдықтың сақталуының жарқын үлгісі.
Ақпарат көзі : https://www.gov.kz/memleket/entities/aqmola-edu/press/news/details/1301842?lang=ru
Жауап қалдыру Жауапты болдырмау