Абай атындағы мектеп-гимназиясында оқушылар арасында «Зияткер» интеллектуалдық ойыны ұйымдастырылды.
Танымдық шараны полиция қызметкерлері өткізіп, жасөспірімдердің білімін, логикалық ойлау қабілетін және жылдам шешім қабылдау дағдыларын дамытуға басымдық берді.
Оқушылар бірнеше топқа бөлініп, түрлі бағыттағы сұрақтарға жауап берді, логикалық тапсырмаларды орындап, өзара пікір алмасты. Қатысушылар үшін әр кезең жаңа сынаққа айналып, біліммен қатар тапқырлық пен командалық жұмысты талап етті.
Шара барысында полиция қызметкерлері жасөспірімдермен еркін пікірлесіп, заңды құрметтеу, тәртіп сақтау, өз құқықтары мен міндеттерін білу әр азаматтың маңызды жауапкершілігі екенін атап өтті.
«Заң мен тәртіп» қағидаты – қауіпсіз қоғам қалыптастырудың берік негізі. Ал мұндай құндылықтарды жас ұрпақтың бойына ерте жастан сіңіру – баршамызға ортақ міндет.
«Зияткер» ойыны оқушылардың ой-өрісін кеңейтіп қана қоймай, бірлесіп әрекет етуге, өз пікірін ашық жеткізуге және кез келген жағдайда дұрыс шешім қабылдауға үйретті.
Полиция қызметкерлері мен жасөспірімдер арасындағы осындай ашық форматтағы кездесулер өзара сенімді нығайтып, құқықтық мәдениетті қалыптастыруға ықпал етеді.
Білімді әрі заңға құрметпен қарайтын ұрпақ – қауіпсіз және тәртіпті қоғамның негізі.
Ақпарат көзі : https://www.gov.kz/memleket/entities/mvd-ulytau/press/news/details/1302586?lang=ru
Жауап қалдыру Жауапты болдырмау