1 қазан – Халықаралық қарттар күнін атап өту жөніндегі аудандық апталық жоспарға сәйкес, «Жастық шаққа саяхат» тақырыбында ардагерлерге ностальгиялық мәдени кеш ұйымдастырылды.
Аталған іс-шараның басты мақсаты – қарттардың жастық шағындағы жылы естеліктерін жаңғыртып, мерекелік көңіл күй сыйлау.
Мерекелік кештің шырайын кіргізген ерекше тұстарының бірі – арнайы жасақталған ретро-фотозона болды. Онда келушілердің назарына өткен ғасырдың көз қуантарлық жәдігерлері: ескі радиоқабылдағыштар, граммофон пластинкалары, өткен кезеңнің газет-журналдары, сол заманғы киім үлгілері мен тұрмыстық бұйымдар қойылды. Мұны көрген ардагерлер жастық шақтарына ойша саяхат жасап, жүректеріндегі ең ыстық естеліктерімен бөлісті.
Ардагерлер қауымы көрсетілген шынайы ілтипат пен ыстық ықылас үшін ұйымдастырушыларға өз алғыстарын білдіріп, баталарын берді. Мұндай игі іс-шаралар ауданымызда алдағы уақытта да өз жалғасын табатын болады.
Ақпарат көзі : https://www.gov.kz/memleket/entities/turkestan-otyrar-shauildir/press/news/details/1303759?lang=kk
Жауап қалдыру Жауапты болдырмау