Ақтөбеде ХХ жазғы Азия ойындарындағы ең үздік нәтижеге қол жеткізді

Жапонияда «Аичи–Нагоя 2026» XX жазғы Азия ойындары аяқталды. Құрлықтық дода қорытындысы бойынша Қазақстан құрамасы 84 медаль — 12 алтын, 24 күміс және 48 қола жеңіп алып, 46 елдің арасында 8-орынға ие болды.

Ханчжоуда өткен алдыңғы Азия ойындарында Қазақстан 11-орын алған болатын. Осылайша, ұлттық құрама үш сатыға жоғарылап, алтын медальдар санын арттырды.

Қазақстан құрамасы сапында Ақтөбе облысының спортшылары да сәтті өнер көрсетті.

Жарыс қорытындысы бойынша өңір өкілдері 6 медаль — 3 алтын, 2 күміс және 1 қола иеленді:

🥇 Қадырбек Шынбаев — ММА, 71 кг
🥇 Еркінғали Бүркіталин — ММА, 77 кг
🥇 Ерлік Сертай — семсерлесу, командалық сайыс
🥈🥈 Әділет Алмат — дзюдо, 81 кг; дзюдо, командалық сайыс
🥉 Нұрқанат Әжіқанов — каратэ, 75 кг

🔹 Аичи–Нагояда ММА Азия ойындарының бағдарламасына алғаш рет енгізілді. Дебюттік бәсекеде Ақтөбе облысының бірден екі өкілі — Еркінғали Бүркіталин мен Қадырбек Шынбаев чемпион атанып, осы спорт түрінен Азия ойындарының алғашқы жеңімпаздарының қатарына енді.

🔹 Ерлік Сертай Қазақстанның ерлер арасындағы сапымен семсерлесу құрамасы сапында чемпион атанды. Қазақстандық семсерлесушілер командалық сайыста 24 жылдан кейін Азия ойындарының алтынын қайта жеңіп алды. Биылғы маусым команда үшін тарихи болды: спортшылар Азия чемпионатында топ жарып, алғаш рет әлем чемпионы атанды, кейін Азия ойындарында жеңіске жетті.

🔹 Әділет Алмат дзюдодан екі күміс медаль иеленді — 81 келіге дейінгі салмақ дәрежесінде және Қазақстан құрамасы сапында командалық сайыста. Нұрқанат Әжіқанов каратэден қола жүлдегер атанды.

📈 Аичи–Нагоя 2026 Ақтөбе облысының өкілдері үшін 2002 жылдан бергі ең нәтижелі Азия ойындары болды. Өңір спортшылары төрт спорт түрінен алты медаль жеңіп алды, оның үшеуі — алтын. Салыстырмалы түрде, Ханчжоуда өткен алдыңғы Азия ойындарында Ақтөбе облысының еншісінде бір алтын медаль болған еді.

Биылғы нәтиже ақтөбелік спортшылардың Азия ойындарындағы көрсеткіштерінің оң динамикасын көрсетеді.

Спортшыларымыз бен олардың жаттықтырушыларын сәтті өнер көрсетуімен құттықтаймыз!
Жаңа жеңістер мен жоғары нәтижелер тілейміз!

Ақпарат көзі : https://www.gov.kz/memleket/entities/aktobe/press/news/details/1304439?lang=ru