Алматының бас штаттан тыс психиатры Наби Есимов психиатрға жүгіну міндетті түрде ауыр диагноз қойылады немесе ауруханаға жатқызылады дегенді білдірмейтінін айтты.
Маманның айтуынша, ұзақ уақытқа созылған:
* көңіл-күйдің түсуі немесе мазасыздық;
* ұйқы мен тәбеттің бұзылуы;
* ашушаңдық, үрей ұстамалары;
* бұрын ұнайтын істерге қызығушылықтың жоғалуы;
* зейін мен жұмысқа қабілеттіліктің төмендеуі;
* әлеуметтік оқшаулану
— маманға жүгінуге себеп болуы мүмкін.
Егер эмоционалдық жағдай жұмысқа, оқуға немесе жақындармен қарым-қатынасқа әсер ете бастаса, көмекті кейінге қалдырмаған жөн.
Өзіне қол жұмсау немесе өлім туралы ойлар пайда болса, кәсіби көмекке мүмкіндігінше тез жүгіну қажет.
«Психиатрдың кеңесі — ең алдымен адамның жағдайын бағалап, медициналық көмек қажет пе, жоқ па екенін анықтауға мүмкіндік береді», — деді Наби Есимов.
Ақпарат көзі : https://www.gov.kz/memleket/entities/almaty-densaulyk/press/news/details/1306735?lang=ru
Жауап қалдыру Жауапты болдырмау