Павлодар облысының Төтенше жағдайлар департаментінің қызметкерлері азаматтарды жұмыспен қамтуға жәрдемдесу және кәсіби тұрғыда өзін-өзі жүзеге асыру мүмкіндіктерін кеңейту мақсатында Жастар бастамаларын дамыту орталығы ұйымдастырған бос жұмыс орындары жәрмеңкесіне қатысты.
Іс-шара барысында Павлодар облысы ТЖД кадр қызметінің өкілдері қатысушыларға қолда бар бос жұмыс орындары, азаматтық қорғау органдарына қызметке орналасу тәртібі және кандидаттарға қойылатын талаптар туралы ақпарат берді.
Қазақстан Республикасы Төтенше жағдайлар министрлігінің Мәлік Ғабдуллин атындағы Азаматтық қорғау академиясына оқуға түсу шарттарына, сондай-ақ бейінді білім алу және азаматтық қорғау органдары жүйесінде болашақ мансабын қалыптастыру мүмкіндіктеріне ерекше назар аударылды.
Жәрмеңкеге қатысу азаматтарды ТЖД бөлімшелеріндегі қызметтің перспективаларымен таныстыруға және әлеуетті кандидаттардың құтқарушы мамандығына деген қызығушылығын арттыруға мүмкіндік берді.
Ақпарат көзі : https://www.gov.kz/memleket/entities/emer-pavlodar/press/news/details/1308506?lang=ru
Жауап қалдыру Жауапты болдырмау