2026 жылғы 9 қазанда Көліктегі санитариялық-эпидемиологиялық бақылау департаменті санитариялық-карантиндік бақылау мамандарына арналған оқу-жаттығу сабақтарын өткізді. Сабақ барысында аса қауіпті инфекцияларға күдік туындаған жағдайда әрекет ету алгоритмдері, уәкілетті органдарға шұғыл хабарлау, науқастарды оқшаулау және байланыста болған адамдарды анықтау тәртібі қарастырылды. Практикалық бөлімде қатысушылар I типті обаға қарсы костюмді кию және шешу тәртібін пысықтап, биологиялық қауіпсіздік талаптарын сақтау бойынша дағдыларын жетілдірді. Іс-шара мамандардың кәсіби даярлығын арттыруға және аса қауіпті инфекциялардың әкелінуі мен таралуының алдын алу бойынша жедел әрекет етуге дайындықты күшейтуге бағытталды.
Ақпарат көзі : https://www.gov.kz/memleket/entities/departament-kkbtu-na-transporte/press/news/details/1311254?lang=ru
Жауап қалдыру Жауапты болдырмау