19 қазанда Астана қаласындағы Жастар сарайында Құтқарушылар күніне арналған салтанатты іс-шара өтті. Мерекелік жиынға Астана қаласы Төтенше жағдайлар департаментінің ардагерлері, басшылығы мен жеке құрамы қатысты.
Салтанатты іс-шара барысында бірқатар қызметкерге мерзімінен бұрын арнайы атақтар беріліп, қызметтік міндеттерін адал атқарып, кәсіби шеберлігімен ерекшеленген құтқарушылар ведомстволық наградалармен және медальдармен марапатталды.
Мерекелік жиын концерттік бағдарламамен жалғасты. Өнерпаздардың өнері жиналған қауымға көтеріңкі көңіл күй сыйлап, мерекелік шараның көркін аша түсті.
Құтқарушы болу – батылдықты, табандылықты және жоғары кәсібилікті талап ететін мәртебелі мамандық. Адам өмірін сақтау жолында аянбай еңбек етіп жүрген барша құтқарушылардың мерекесі құтты болсын!
Ақпарат көзі : https://www.gov.kz/memleket/entities/emer-astana/press/news/details/1313066?lang=ru
Жауап қалдыру Жауапты болдырмау