Қарақия ауданы полиция бөлімінің қызметкерлері мектептің жоғары сынып оқушыларымен кездесу өткізіп, жасөспірімдер арасындағы құқықбұзушылықтар мен қылмыстардың алдын алу мәселелерін түсіндірді.
Кездесу барысында оқушыларға кәмелетке толмағандардың құқықтары мен міндеттері, заң талаптарын бұзғаны үшін жауапкершілік және құқыққа қайшы әрекеттердің салдары туралы айтылды.
Сондай-ақ буллинг пен кибербуллингтің алдын алу, қоғамдық орындарда тәртіп сақтау, өзге адамдардың құқықтары мен бостандықтарын құрметтеу мәселелеріне ерекше назар аударылды.
Полиция қызметкерлері жасөспірімдерге кез келген құқықбұзушылықтың салдары болатынын түсіндіріп, заң талаптарын сақтаудың маңыздылығын атап өтті.
Мұндай кездесулердің мақсаты – оқушылардың құқықтық сауаттылығын арттыру, заңға құрметпен қарауға тәрбиелеу және жасөспірімдер арасында құқықбұзушылықтың алдын алу.
Ақпарат көзі : https://www.gov.kz/memleket/entities/mvd-mangystau/press/news/details/1313765?lang=ru
Жауап қалдыру Жауапты болдырмау